Hernaniko Udalak maiatzean munizipalizatuko du kale garbiketa

  • Azken urteotan FCCk –euskal udal asko eta askotan bezala– kudeatu duen kale garbiketa zerbitzua maiatzetik aurrera hiru udalen enpresa publikoa den Garbitaniak hartuko du bere gain Hernanin. Martxoaren 7ko udal plenoan EHBildu eta Orain Hernani (Ahal Dugu-Podemos) taldeen botoekin eman zaio argi berdea aspaldi pribatizatutako zerbitzu publikoen munizipalizazioari.

Pello Zubiria Kamino @pellozubiria
2018ko martxoaren 12a
EHBilduren 9 boto eta Orain Hernaniren 2ekin erabaki dute Hernaniko kale garbiketa munizipalizatzea. (Argazkia: Kronika)

Ez da askotan entzuten den albistea. Gauza bat baita ezkerreko alderdiek hauteskunde programetan jarri edo sindikatuek beren aldarrikapenetan behin eta berriro aipatzea... eta oso bestelakoa hori gero egia bihurtzeko urratsak ematea. Madrilen Manuela Carmenari gertatu zaion bezala, azken urteotan alde guztietan nagusitu den pribatizazio uholdeari aurre egitea baino are zailagoa da behin pribatizatua publifikatzea: nekez gainditzen dituzte kontratazio publikoetan berezitutako korporazi handien lobby lanaz gain, udal teknikariek eta sarritan baita sindikatuek ere ezarritako oztopoak. Hala ere, gero eta oihartzun handiagoa sortzen du zerbitzuok munizipalizatu edo publifikatzeko nahiak, esate baterako Katalunian.

Hernanin joan den astean onartu du udal plenoak urrats hori egitea, hain zuzen, ia denetan bezala aspaldi esku pribatuetan utzitako kale garbiketaren kudeaketa bere gain hartzea. Gehiengo osoz agintzen duen EHBilduko udal taldearenez gain, Orain Hernani (Ahal Dugu-Podemos alderdiaren lekuko marka) taldearen botoak ere eduki zituen erabakiak.

Gaur FCC konpainiak kontratatuta dauzkan langileak bere gain hartuko ditu Garbitania konpainia publikoak. (Argazkia: Hernaniko Udala)

Zehazki Garbitania enpresa publikoak kudeatuko du maiatzetik aurrera kaleen garbiketa. Garbitania Donostialdeko zenbait udalek sortutako enpresa publikoa da, hasieran hondakinen gaikako bilketean (Atez Ate) aritu dena eta orain jarduera eremua zabalduko duena. Konpainia publikoak bere gain hartuko ditu orain arte FCCn zerbitzu hori bermatu duten langileak.

Albisteaz xehetasun asko eskaintzen dituen Kronikak bildu duenez, Luix Intxauspe alkateak esan du: "Publifikazioaren onurak mota desberdinekoak izango dira: zerbitzuaren eskumena bere gain hartuta, kudeaketa hobeto kontrolatzeko tresnak izango ditu Udalak. Oinarrizko zerbitzu publiko hau ez da merkatuaren menpe egongo eta gardentasuna hobeto ber­matu ahalko du Udalak. Era berean, behin publi­fi­ka­tuta, %10eko aurrez­pena ekarriko dio Udalari. (...) Kale garbiketaren zer­bitzua bereganatuta, kalita­tez­ko zerbitzu publikoak es­kain­tzeko konpromisoan bes­te urrats bat egin du Uda­lak, urte hasieran industrial­deetako hondakinen kudea­keta bereganatu ondoren".

Orain Hernaniko zinegotzi Jaione Aristregik azaldu zuen alde zergatik bozkatu duten: «Zebitzuak Udalak berres­kuratzearen alde gaude. Hau pa­u­su bat da eta azkena ez izatea espero dugu». Aldiz, PSE eta EAJk kontrako botoa eman dute. EAJko Andoni Amonarraizek argudiatu zuen kaleak udalak berak garbitzea garestiago aterako zela. Arrazoi beragatik eman zuen kontrako botoa Ricardo Crespo sozialistak ere, nahiz eta langileak zoriondu zituen beren lan baldintzak orain hobetuak ikusiko omen dituztelako: "Sindi­katuekin bildu gara eta langi­leen egoera hobea izango dela esan digute. Alde horretatik zoriondu egin behar dugu Udal Gobernua, baina bestetik, zenbakiak zalantza asko sor­tzen dizkigute. Errea­lita­tetik kanpo daudela uste dugu".

Hernanikoa ez da Gipuzkoan kale garbiketa munizipalizatzen lehena. Urrutira joan gabe, 2016an Oñatiko udalak bere gain hartu zuen berriro zerbitzu hori. 2016a arte Oñatin ere FCCk kudeatzen zuen kale garbiketa, baina Goienan Mikel Biain alkateak azaldu zuenez zerbitzu publikoen erraldoiarekin kontratua etetea lortu zuen, konpainiak tratua nabarmenki urratzen zuela erakutsirik. Azkenean, 2018a arte iraun behar zuen kontratua etenda, 2016ko irailean hartu zuen berriro Oñatiko udalak bere gain 1998an pribatizatutako zerbitzua. Herritarrok (baita zaharrenek ere) ahaztua dugula diruen arren, udal zerbitzu publikoak ez baitituzte betidanik kudeatu kontrata pribatuek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Zerbitzu publikoak

Zerbitzu publikoak kanaletik interesatuko zaizu...
2018-09-12 | ARGIA
Erresidentzietako langileak grebara
"Negozio eredu hau espresuki bideratuta dago emakumeak esplotatzera"

Ia 22 hilabeteko negoziaketek fruiturik eman ez dutela-eta, “mobilizazio eta greben ordua iritsi da”, iragarri dute Gipuzkoako adinekoen egoitzetako langileek. “Badakigu borroka luzea eta gogorra izango dela. Baina lan-baldintzak berehala normalizatu, soldata arrakalarekin bukatzeko pausoak eman eta gure sektorean nagusi den prekarietatea behingoz ezabatzeko bidean aurrerapausoak eman nahi ditugu”.


2018-08-24 | ARGIA
Zahar-egoitzetan egoera eutsiezina dela salatu du Bizkaiko Satse erizainen sindikatuak

Urtean zehar duten egoera neurrigabea eta eramanezina dela esan du eta udan are okerrago dabiltzala erizainak. Bizkaiko zahar-etxe handienak ere larri dabiltza.


2018-05-08 | Leire Txakartegi
Bizkaiko erresidentzien greba: Begirada berriak

Ez dakit jakingo duzuen baina Bizkaiko erresidentzietako emakumeak gonbidapen ugari jasotzen ari dira estatuko txoko ezberdinetatik beraien gatazkaren berri emateko. Madrilen, Bartzelonan, Logroñon... egon dira jada.


2018-04-01 | Igor Agirre
Pentsio duina: denon lanak, denon eskubidea

Euskal Herriko pentsionistak kalera irten dira pentsio duinak aldarrikatzera. Bosgarren urtez jarraian, Hego Euskal Herriko erretirodun eta alargunek %0,25eko igoera jasoko dute beren ordainsarietan. Gutxieneko pentsioa 1.080 euroan jartzearen beharra azpimarratu dute, pentsiodun askok –nagusiki 65 urtetik gorako emakumeek– bizi duten pobrezia egoera salatuz.


2018-03-22 | ARGIA
Garraio eta funtzionarioen greba Ipar Euskal Herrian: lur, itsaso eta aire

Sektoreko zazpi sindikatu nagusik greba deitu dute Frantziako Estatu osoan administrazio publikoko langileen artean ostegunerako. “Ostegun Beltza” deituriko honek hainbat protesta batuko ditu Emmanuel Macron-en exekutiboa hartzen ari den neurriei kontra egiteko: funtzionarioak, garraio publikoko langileak eta pentsionistak.


LKSek Arrasateko udalari gomendatu dio kale garbiketa ez munizipalizatzea

Orain Cespa konpainiarekin daukan kontratua balio gabe geratuta, Arrasateko udala aztertzen ari da zer egin kale garbiketa zerbitzuarekin. Berriro lehiaketa publikora atera dezake; iazkoan Cespa eta Zerbitzu aurkeztu ziren. Edo zerbitzua munizipalizatu. Udal gobernu taldeak (EAJ-PSE) bideragarritasun txostena eskaturik, LKS kooperatibak gomendatu dio ez hartzeko bere gain zerbitzu hori, dirua galduko lukeelako. Eztabaida dago Arrasaten.


Hernani Town Council takes on Cleaning itself

Over recent years the FCC company has been in charge of keeping the streets of Hernani (Gipuzkoa) clean, just as in many other Basque towns. But from May onwards Hernani's own Garbitania public service will be doing that. Votes from EH Bildu and Orain Hernani (Podemos) passed switching the service from the private sector back to the public sector.


2018-03-15 | ARGIA
Zahar etxeetako langileen greba Ipar Euskal Herrian, nahikoa baliabide ez dutela salatzeko

LAB, CFDT eta UNSA sindikatuek grebara deitu dituzte gaur Ipar Euskal Herriko zahar etxeetako langileak, euren lana behar bezala egiteko nahikoa baliabide ez dutela salatzeko. 11:00etan elkarretaratzea egingo dute Baionako suprefetura aurrean.


2018-02-19 | Laborari
Maite Barberarena, erizainen grebaz: "Ez gara makina batekin ari, jendeak dira!"

Maite Barberarena erizain laguntzaile ari da Isturitzeko Pausa Leku zahar etxean. Menpekotasun egoeran diren zaharren zaintzan ari diren profesionalek urtarrilean greba handia egin zuten Frantziako Estatu osoan, beren eskuetan dauzkaten zaharrak hobeki zaintzeko lan baldintza egokiak eskatzeko.


2018-02-11 | Igor Agirre
Gipuzkoako autobus zerbitzu publikoa
Zuk diozu aldaketa, nik diot murrizketa

Gipuzkoako zati handi bati autobus garraio publikoa eskaintzen dion Lurraldebus zerbitzuan lineak eta maiztasunak birmoldatzen ari da Gipuzkoako Foru Aldundia. Debagoieneko, Buruntzaldeko eta Tolosaldeko herrietan kezka handia sortu du Diputazioaren egitasmoak, murrizketak dakartzalako haien esanetan.


Azkenak
EGILEA
Eguneraketa berriak daude