Hego Euskal Herriko greba orokorrarekin bat eginez, elkarretaratzea burutu dute 18:30tan Hendaiako udaletxe aitzinean. Hirurogei bat lagun elkartu dira eta LAB eta CGT sindikatuen ordezkariak egon dira hitza hartzen. Ipar Euskal Herrian zein Hego Euskal Herrian eman beharreko borrokak batzeko beharra azpimarratu dute.

Ipar Euskal Herrian, Frantziako Gobernuak xede duen pentsio sistemaren erreformaren kontra dabiltza mobilizaturik iazko abenduaren 5az geroztik. Hego zein Ipar, prekaritatea borrokatzeko eta bizitza duinak aldarrikatzeko beharra azpimarratu dute Hendaiako udaletxe aitzinean. Elkarretaratzea bukarik, hitzaldia eskaini dute Baleak elkartean, Bidasoaz bi aldeko pentsionisten borrokak mahai gainean jarriz.

Goizean, topoa blokeatu zuten LAB sindikatuko Ipar Euskal Herriko kideek eta Aitzina gazte erakundekoek.