Hendaiako Udal Kontseiluak aho batez bozkatu du David Plaren espainiaratzearen aurka
ETAko kidea izateaz akusatutako David Pla 2019ko apirilean itzuli zen Hendaiara, Frantzian bost urteko espetxea bete ostean. 2010ean Hendaian bizi zen. Hendaiako Herriko Etxeak aho bat deitoratu du Frantziak, abenduaren 19an, espainiaratua izateko hartutako erabakia.
Frantziako Estatuko Kasazio Auzitegiak David Pla iruindarra espainiaratzea erabaki osten, Madrilek preso ohiaren kanporatzeko prozedura noiz egingo duen aztertuko du datozen egunetan. Hala ere, prozedura ez da urtea bukatu aurretik gauzatuko.
Espainiako Auzitegi Nazionalak David Pla 2008n lotu zuen ETArekin lehen aldikoz eta euro agindu bidez eskaera egin zion Frantziako Justiziari. Hainbat urtetan preso egonaldiak egin ditu eta hainbat alditan kalean izan da libre.
Anartean, David Plaren Xantiana Cachenaut defentsa abokatuak Kasazio Auzitegira helegitea aurkeztu zuen. Azkenik, Kasazio Auzitegiak atzera bota du defentsaren helegitea.
Pla iragan apirilean geratu zen libre. Frantziak urtebetez Euskal Herrian –bere herrian, Hendaian– bizitzeko debekua ezarri zion. Alabaina, neurria behin-behinean gelditu zen Espainiaren euroagindu eskaera ebatzi artean.
Abenduaren 19an, asteazkenez, Parisko Dei Auzitegiko instrukzio aretoak onartu egin zuen eskaera. Xantiana Cachenauten hitzetan Frantziako Justiziak hartu duen erabakia “lotsagarria” da.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.