Elikagaiak alferrik galtzea prebenitzeko legea eztabaidatuko dute Espainiako Diputatuen Kongresuan. Besteak beste, jatetxeak behartuta egongo dira bezeroei ematera jaten ez dituzten elikagaiak, eta zigorra jaso dezakete zerbitzu hori eskaini ezean.
Hego Euskal Herriko elikagaien banaketa-enpresak eta jatetxeak zigortu egingo dituzte, saldu gabe geratzen zaien janaria ematen ez badute. Elikagaiak alferrik galtzea prebenitzeko legea eztabaidatuko dute ostegunean, Espainiako Diputatuen Kongresuan.
Araudi berriak lehentasunen hierarkia bat proposatu du, enpresek janaria ez galtzeko dituzten aukerekin. Elikagaiak doan ematea lehenetsi du. Esate baterako, jatetxeak behartuta egongo dira bezeroei jan ez dituzten elikagaiak doan ematera, eta horretarako berrerabilgarriak edo birziklatzeko errazak diren ontziak eduki beharko dituzte. Gainera, menuak aukeratzerako garaian malguagoak izatea eskatuko zaie, bezeroek hornigaiak edo plateren neurria erabaki ahal izateko.
Milioi erdirainoko isunak
Legea betetzen ez duten enpresak zigortu egingo dituzte. Hiru arau-hauste maila ezarri dituzte: arinak (2.000 euroraino), larriak (2.000 eta 60.000 euroren artean) eta oso larriak (500.000 euroraino). Arau hauste arina izango da, esaterako, soberan geratutako janaria ez ematea edota egoera zaurgarrian dauden pertsonei soberakinik ez ematea. Larrien artean, besteak beste, janaria banatzerakoan diskriminatzea dago. Arau-hauste oso larritzat jo dute bi urtean bi arau hauste larri egitea.
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
Noaingo Zentzumenen parkean egingo da. Nafarroako elikagai ekologikoen merkatu handiena da; gune gastronomikoa, jarduerak, haurrentzako gunea eta gehiago eskainiko dute.
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Etorkizuna dirudiena gertatzear da: Donostian, Zubietako Eskusaitzeta industrialdean, haragi sintetikoen fabrika bat eraikitzen ari da BioTech Foods enpresa. Munduko laugarren laborategia izango da Eskusaitzetakoa, oraindik Europan salmenta debekatuta dagoen bitartean. Zelula... [+]
Eskusaitzeta industriagunean BioTech Foods enpresa eraikitzen ari den haragi sintetikoen laborategi erraldoiaren aurrean elkarretaratzea egin du EHNE sindikatuak, makroproiektua salatzeko. Garikoitz Nazabal EHNEko lehendakariak salatu du “isiltasunean eta gezurrean”... [+]