Valle de Odieta makroetxaldeak hamalau elkarte deitu ditu epaitegietara
Hilaren 30ean ingurumenaren defentsan aritzen diren Nafarroako hamalau elkartek Caparrosoko Valle de Odieta makroetxaldearen adiskidetze deialdira joan beharko dute, enpresaren esanetan aipatu taldeek behitegiaren irudia iraindu eta kaltetu dutelako.
Behitegiko arduradunen salaketan, taldeek Nafarroako Legebiltzarrean 2021eko irailaren 10ean aurkeztutako txostena medio kaltetu zuten enpresaren izen ona. Txosten horrek 178 orrialde ditu eta, ingurumen taldeek diotenez, zazpi baino ez dira kolektiboek egindakoa eta gainerako guztiak hainbat erakunderen dokumentuak dira, hala nola Nafarroako Gobernuarenak, edo bestelako iturri ofizialetan oinarritutakoak.
“Txostena aurkeztu genuen taldeen asmoa –diote elkarteek– ingurumena defendatzea zen, eta Martzilla eta Alesbesko bizilagunen uraren kalitatea babestea. Era berean, iritzi publikoaren eta gobernuen aurrean adierazi nahi genuen industria-ustiapeneko eredu horiek problematikoak, kutsatzaileak eta jasangaitzak direla. Eta orain prozesu judizial posible bati aurre egiteko beharrean aurkitzen gara, adiskidetze ekintza kalumniak eta irainak egin izanagatiko prozesu judizialaren atarikoa baita”.
Salatzen dutenez, beren ustez kolektiboak beldurtzeko ekimena da behitegiarena, “gure kolektiboak beldurtzeko eta abeltzaintza eredu horrek dakartzan ondorioak ezagutu ez daitezen. Hori ez da gauza berria, enpresa askok SLAPP izenez ezagutzen den estrategia horretara jotzen baitute, ekintzaileak, kazetariak edo ikerlariak salatzeko”. Babes juridiko sendoak eta bitarteko ugari dituzten enpresen helburua izaten da eragile txikiak mataza juridiko garestietan harrapatzea, haien ikerketa eta salaketetan atzera egin dezaten.
Elkarteak
Honakoak dira salaketa jaso duten elkarteak: Alnus, Marcilla Bizirik, Elikadura Burujabetzaren Batzarra, REAS Nafarroa, Asociación Hacendera, Hiru Erreen Konpainia, Lurra Elkartea, Ekologistak Martxan, Urbizi, Etxalde nekazari mugimendua, Greenpeace, Landare, Mugarik Gabe Nafarroa eta Sustrai Erakuntza Fundazioa.
Joan den larunbaten 200 bat lagunek elkarretaratzea egin zuen Iruñeko Sarasate Pasealekuan zitazioa salatzeko eta beren jarrerari eutsiko diotela adierazteko. Halaber, 1.600 pertsonak eta 162 taldek eskaini diete sostengua zitazioa jaso duten elkarteei. Asteazkeneko adiskidetze deialdian alde bakoitzak bereari eusten badio, Valle de Odieta enpresak prozesu judizialari ekingo dio.
Onintza Enbeitak lurrari emana bizi izan den Feli Madariagaren bizitzako hainbat pasarte kontatzen ditu. Urriaren 10ean 18:30etan Muxikan, bi emakumeon artean aurkeztuko dute ARGIAren Bizi Baratzea sailean argitaratu den liburua.
Udazkenean zentzumen guztiak erne dituztela joaten dira onddo biltzaileak mendira. "Hau jangarria ote da, edo toxikoa?", horra onddoen erreinuko ale bakoitzaren aurrean egiten duten galdera. Asmatu ez dutenek, kasurik larrienetan, ospitalean bukatuko dute eta orduan... [+]
Zuhaitzen hostoak erortzen ari dira, eguzkiak ez du hainbeste berotzen baina azken izpiak aprobetxatuz, bazkalostean mendi bueltatxoa ematera irten gara. Mendiaren soinuetan barneratuta, bat- batean tronpetak diruditen “kru-kru-kru” hotsak entzuten dira. Begirada... [+]
Baigorriko pentzeetan jateko sagarrak ekoizten ditu Elena Aguerre laborariak. Lekorneko Garroa etxaldean barazkigintza ekologikoan luze aritua zen, baina 2022-2023ko neguan Baigorrira lekualdatu eta proiektu berria jarri zuen abian: “Pentze bat xerkatu eta hektarea eta... [+]
Inaurkina. Inaurkingintzan buru-begi hasia dago aberats jendea, abeldun jendea, abeltzaina. Buru-begi eta buru-belarriak erne egin beharreko lana da inaurkinarena. Etxeratu nahi den zaborra da inaurkina. Izan ere, zaborra, gaur egun sortzen duguna ez bezala, begi-bistatik... [+]
Udazken sasoia iritsi zaigu eta ohikoak diren irudiak etorri zaizkigu; hostaje gorrixkak, erortzen ari diren hosto bakan malenkoniatsuak, haizeak astindutako orbela.
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
2018tik 2023ra kolore berdea izatetik grisa izatera pasa den lur eremua 9.000 kilometro koadro ingurukoa da, Zipreren adinako azalera. The Guardian-ek argitaratu duen ikerketaren arabera, etxebizitzen eta errepideen eraikuntzara ez ezik, luxuzko turismo, kontsumo eta aisialdira... [+]
Altri multinazionalak Europako zelulosa lantegi handienetakoa eraiki nahi du Galizian, Palas del Rei herrian, lyocell deituriko zuntz "jasangarria" ekoizteko. Eukaliptoak, ura, moda-industria indartsua eta oligarkia politiko diruzalea. Dena du alde horretarako. Dena?... [+]
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Silurikoan sortu omen ziren, kontuak atera! Duela 400 milioi urte edo gehiago. Beraz, planetako lurretan azaldu ziren lehenetako animaliez ari gara, ez da txantxetarako kontua. Eta oraindik txantxa gutxiago, garai hartako espezie batzuek luzeran bi metro ere bazituztela jakinda... [+]
Garuna dirudi, bai, intxaur alearen mamiak. Garun bikoitza. Alearen edo garauaren barrukoari “intxaur-mami”, “intxaur-ister” eta “intxaurki” esaten zaio.