“Haurren aurrean helduok heldu” euskararen erabilera soziala bultzatzeko ariketa antolatu dute
Euskaltzaleen Topaguneak helduen hizkuntza ohiturak aldatzeko egitasmo praktikoa abiaraziko du azaroaren 22ean, eta abenduaren 5era arte egongo da martxan. Haurren eredu diren nagusien artean euskararen erabilera areagotu nahi dute, etorkizunean hizkuntza-praktika horiek arau bihurtzeko.
Gutxienez 80 herritako parkeetan, plazetan, terrazetan eta bestelako eremu informaletan “Haurren aurrean helduek heldu” ariketa hasiko dute azaroaren 22an. Bi astez 0-12 urte arteko umeekin harreman zuzena duten helduak euskara erabiltzera deitu ditu Euskaltzaleen Topaguneak, txikienek ikusi eta ikasi dezaten euskarak baduela erabilera soziala. “Zer entzun, hura erantzun”: guraso, zaintzaile, hezitzaile eta bestelako senide eta herritarrak “eredu” izatea nahi dute, eta testuinguru guztietan euskaraz mintzatzea “normala” dela erakustea.
Egitasmo horren bidez “euskaldunok euskaldunokin euskaraz egiten dugu” arau soziala indartu nahi du Topaguneak, euskarari “tinko” eutsita hiru egoeratan: euskaraz dakitenen artean euskara erabilita; lehen hitza beti euskaraz eginda; eta euskaraz ulertzen duen kidearekin euskaraz hitz eginda, baita solasaldi elebidunetan ere.
Euskaltzaleen Topagunearen esanetan, hizkuntza bat biziberritzeko hizkuntza hori belaunaldi gazteen erabileran errotu behar da, eta arau sozial bilakatu. Proposatu dute kaleko eremuez gain etxea ere euskarari eusteko gunea izatea, eta parte hartzaileei eskatu diete aurrez pentsatzeko non eta norekin egin nahi duten ariketa.
Kanpainarako egin duten bideoetako bat da honako hau:
Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]
Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]