ARGIA.eus

2020ko azaroaren 28a

Hatortxu rock jaialdia etxetik jarraitu ahal izango da aurten

  • Hatortxu rock, euskal presoen etxeratzea aldarrikatzeko urteroko elkartasun ekimenaren 24.edizioa etxetik jarraitu ahal izango da. Osasun krisiak kulturan eragindako egoera kontuan hartuta, inoiz baino "behar" handiagoa dagoela adierazi du antolakuntzak. Abenduaren 26an izango da.

ARGIA @argia
2020ko azaroaren 02a
Hatortxu Rock 24. edizoko kartela

Bakoitzak bere etxetik gozatu beharko duen jaialdia izango da 24.a, aurreko edizioekin alderatuta. Eskaintza berezia izango da aurtengoa eta "horretarako lanean" ari direla aitortu du antolakuntzak . 21 urteren ostean, aurtengo edizioa bertan behera geratzeko aukerak bazeuden ere, kulturaren alde apostua egin dute. 

Hatortxu Rock honetan bakarrik gozatu ahal izango diren izen, abesti eta ikuskizunak eskainiko dira. Musika izango da protagonista, baina beste errepresentazio artistiko batzuek ere izango dute lekua. Horrela, hainbeste urtetan ekitaldian egon diren artista horiei guztiei egindako ahalegina eskertu eta itzuli nahi die. Bad Sound, DJ Reimy Suaia eta Ama Rebel eta Nerabe, izango dira ikuskizunetako batzuk. 

Pandemiak gehien kolpatu dituen sektoreak gogoratu dituzte: presoak eta kultura. Horregatik, lanean jarraitzeko eta jaialdia aurrera ateratzeko "beharra" azpimarratu dute, "berezia" izango den arren. “Astebururo 1.000 kilometro egiteak suposatzen duen gastuek hor jarraitzen dute eta, aldiz, diru-sarrerak, gehienak herri mugimenduak antolatutako ekimenetatik zetozenak, eten egin dira pandemiak ekimen guzti horiek bertan behera utzi eta gero”, azpimarratu dute.

"Aurten internet bidez jarraitu beharko da Hatortxu Rock jaialdia, baina, zinez, mereziko duen zerbait eskaintzera gatoz. Haiek merezi dutelako", dio antolakuntzak. 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hatortxu Rock

Hatortxu Rock kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude