Telefonicako grebalariek BBVAren bulego bat okupatu dute Bartzelonan, akziodun nagusia
Bartzelonako Rambletan dagoen BBVAren bulego bat okupatu dute Telefonicako dozenaka langilek. 74 egun daramatzate greban eta banku hori telefono konpainiako akziodun nagusia da.
"Telefonicaren akziodun nagusia presionatzeko modua da, konpainiarekin benetako negoziazioa lor dezagun", adierazi du greba batzordeko kide Javier Marcok La Directa hedabide independente kataluniarrean jaso dutenez. Beste herri mugimenduetako kideen babesarekin egin dute ekintza, baita CUPek Bartzelonako Udalerako duen ordezkariarekin ere.
Denda itxi arte bertan egoteko asmoa dutela adierazi dute, edo bestela, beren aldarrikapenak jasotzeaz arduratuko den bankuko ordezkari bat joan arte.
Espainiako Estatuan Telefonicarentzat lanean ari diren 15.000 kontrata, azpikontrata eta autonomoek nahikoa dela esan dute. Bi hilabetetik gora daramatzate greba mugagabean, azken urteotako langileen gatazkarik indartsuenetakoan. Lana ehunka azpikontrataren bidez egiteak dakarren atomizazioari aurre egin, eta ehunka enpresa txikiotako langileak eta autonomoak batu egin dira. Espainiako enpresarik boteretsuenetakoari erronka jo behar izan diote.
Informazio gehiago:
Movistar greban kanalean jarraipena egiten ari gara langile borroka honi.
"Esklabotza egoeran gaude, horregatik greba". Greban dagoen langile batekin elkarrizketa.
Arratsaldeko 18:30ean emango zaio hasiera Correscales, prekarietatearen aurkako lasterketa solidarioari, Movistarrek Bilboko Buenos Aires kalean duen dendaren parean. Lasterketa bera 19:00etan hasiko da; herri mugimenduko elkarte ugarik erreleboka eramango dute lekukoa,... [+]
Prekaritatearen aurkako Correscales lasterketak Bilbo eta Bartzelona batuko ditu otsailaren 18tik 22ra bitartean. Movistar telefono konpainiako langileen iazko grebari lekukoa hartuta, erresistentzia kutxa bat eratzeko asmoa dute.
Apirilean egindako 80 egun inguruko grebaren ostean, Movistar-eko langileek osatutako Marea Urdina elkarteak egitasmo berri bat atondu du: prekarietatearen aurkako Korrika moduko bat egitea, Bilbo eta Bartzelona lotuz. Guztira 674 kilometro etenik gabe egingo dituzte, otsailaren... [+]
Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.
Larunbatean hartu dute Bartzelonako Catalunya plazako denda greban diren Movistarreko langileek. Itxialdi mugagabea egingo dutela azaldu dute zuzendaritzarekin negoziaketak hasi ezean.