Movistarreko langile azpikontratatuek 30 segundoko tartea izango dute Herrialde Katalanetako TV3 eta BTV telebista publikoetan. CUP taldeak udal hauteskundeengatik egokitutako publizitate tartea utzi die grebalariei beren egoera azaldu eta erresistentzia kaxaren kontu korrontearen zenbakia erakusteko.
Kanpainak irauten duen hamabost egunetan, 30 segundoko 30 publizitate bloke dagozkio CUPi TV3n, Hauteskunde Batzordeak zehaztutakoaren arabera. Guztira dagozkien 15 minutuak Movistarreko grebalariei utzi dizkiete, gatazka lehenago amaitu ezean behintzat.
Grebalariak emititzen ari diren spota:
Informazio gehiago:
- Telefonicako ordezkaritzak ez ditu grebalariak mintzakide gisa onartu lehen negoziazioan.
- "Esklabotza egoeran gaude, horregatik greba", elkarrizketa Angel Circujanorekin, Gipuzkoako Greba Batzordeko kidea.
Arratsaldeko 18:30ean emango zaio hasiera Correscales, prekarietatearen aurkako lasterketa solidarioari, Movistarrek Bilboko Buenos Aires kalean duen dendaren parean. Lasterketa bera 19:00etan hasiko da; herri mugimenduko elkarte ugarik erreleboka eramango dute lekukoa,... [+]
Prekaritatearen aurkako Correscales lasterketak Bilbo eta Bartzelona batuko ditu otsailaren 18tik 22ra bitartean. Movistar telefono konpainiako langileen iazko grebari lekukoa hartuta, erresistentzia kutxa bat eratzeko asmoa dute.
Apirilean egindako 80 egun inguruko grebaren ostean, Movistar-eko langileek osatutako Marea Urdina elkarteak egitasmo berri bat atondu du: prekarietatearen aurkako Korrika moduko bat egitea, Bilbo eta Bartzelona lotuz. Guztira 674 kilometro etenik gabe egingo dituzte, otsailaren... [+]
Bartzelonako Rambletan dagoen BBVAren bulego bat okupatu dute Telefonicako dozenaka langilek. 74 egun daramatzate greban eta banku hori telefono konpainiako akziodun nagusia da.
Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.