Hamahiru kilo galdu ditu Iņaki Bilbao presoak gose greban

  • Maiatzaren 28an hasi zuen gose greba Iñaki Bilbao presoak eta ekainaren 17an hamahiru kilo galduak zituela jakinarazi zuen bisitan joan zen lagun batek.

Xalba Ramirez @xalbaram
2017ko ekainaren 20a
Donostian Iņaki Bilbaoren aldeko kontzentrazioa (Arg: Amnistiaren Aldeko eta Errepresioaren Aurkako Mugimendua)

Iñaki Bilbaok hamar urte darama Puerto III-ko espetxean isolamendu moduloan, muturreko egoeran. Pasa den maiatzaren 22an lehenengo graduaren lehenengo fasea aplikatu zioten eta baimendua zuen komunikazio bat eten zioten. Orduan hartu zuen gose greba eta itxialdia egiteko erabakia.

Erabakia ez da ordea neurri horiei erantzuteko, “independentzia eta sozialismoaren alde” borrokatzeko baizik. “Protesta gogor honekin Alternatiba posible bakarra borroka egiten jarraitzea dela adierazi” nahi duela esan du Amnistiaren Aldeko eta Errepresioaren Kontrako mugimenduak ohar baten bidez.

Mugimenduak sostengu kanpaina du martxan eta larunbatean manifestazioa egingo dute Bilbon egoera hau salatzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal preso politikoak kanaletik interesatuko zaizu...
Azkenak
EGILEA
Eguneraketa berriak daude