Hamabi raperori bina urte eta egun bateko kartzela zigorra ezarri die Espainiako Auzitegi Nazionalak
La Insurgencia kolektiboko kideak dira hamabi raperoak. Euren abestietan “terrorismoari gorazarre” egiteagatik zigortu ditu auzitegiak. Errekurtsoa jarriko dute Auzitegi Gorenean.
Bi urte eta egun bateko kartzela zigorra, 4.800 euroko isuna eta bederatzi urteko inhabilitazioa. Hamabi raperok Auzitegi Nazionalean jaso berri duten zigorra da. Abeslariak dira hamabiak, La Insurgencia kolektiboko kideak. Epailearen arabera “terrorismoari gorazarre” egiten dioten abeslariak. Abenduaren 5ean –adierazpen askatasunerako eskubidea jasota daukan konstituzioaren ospakizunaren bezperan– jaso dute zigorra.
Fiskaltzak egindako zigor eskaera bere egin du epaileak, eskatutako guztiak osorik onartu baititu. José Perals fiskalak egin zuen zigor eskaera, Altsasuko gazteentzat 375 urteko kartzela zigorra eskatu zuen berberak. Orain, Auzitegi Gorenean errekurtsoa aurkeztuko dute zigortuek. Gorenak ez balu errekurtsoa onartuko, hamabiak espetxera sartuko lirateke.
La Insurgenciako kideen ustez Fiskaltzak euren hitzak kontesturik gabe aurkeztu ditu, “letrak osorik irakurri beharko lituzkete, ez esaldi soilak”, diote gazteek. Monarkia, Gobernua edota sistemaren aurkako mezuak igorri ohi dituzte euren abestietan.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Facebooken 55.000 laguneko komunitatea zuen Muy Bastas returns orri arabarra ezabatu du enpresa multinazionalak, oraingoan arrazoirik eman gabe. Enegarren aldia mezu politikoak, herri mugimenduen deialdiak eta umorea nahasten dituen orri hau zentsuratzen dutela, azken zazpi hilabeteetan hirugarren aldiz, Hala Bedin jaso dutenez.
Iruñeko Erorien Monumentuak eta haren kriptan jeneral frankistei eskainitako hileroko mezek eztabaida sortzen jarraitzen dute. Oraingoan, gaiari buruz 2017an “A sus muertos” dokumentalaren egileak, Clemente Bernard eta Carolina Martinez, espetxera sartu nahi dituzte ikus-entzunezkoan erabilitako irudi batzuen harira. Azaroaren 14an hasiko da epaiketa Nafarroako 3. zigor-epaitegian. Bernardekin hitz egin dugu kasuaz.
Euskaraldiaren aurkezpena egin zen larunbatean herrian eta gure ekarpena egin genion Erriberako paretako 90. muralaren bitartez.
Ez naiz dantzari ona. Ez dakit erritmoaren arabera mugitzen. Horregatik, pozten naiz kazetaria ez naizelako. Espainian franko ugari den kazetari espezie batek ederki jakin behar duelako musikak zer eskatzen duen interpretatzen.
Valtonyc atxilotu eta entregatzeko euroagindua ez du onartu Belgikak, eta bertan jarraitu ahalko du bizitzen Mallorkako (Herrialde Katalanak) gazteak.
Argazki makina lepoan zintzilik, manifestazio eta protesta sozialak lantoki bilakatu ditu Jordi Borràs (Bartzelona, 1981) argazkilari eta kazetariak. Massana Eskolan ilustrazio ikasketak egitean murgildu zen “nahi gabe” argazkilaritzan eta, orduz geroztik, hainbat hedabidetan egin du lan. Eskuin muturreko mugimenduen zokorik ilunenak azaleratzeko egin duen lanarengatik, mehatxuen helburu ere bilakatu da azken urteotan. Uztailaren 16an, hain zuzen, argazkilari gisa bizitako... [+]
Javier de Andres Espainiako Gobernuko EAEko ordezkariaren eskakizunez moztu zuten orduko hartan Kataluniako CUP alderdiko diputatua zen Anna Gabrielen hitzaldia. Epaitegiaren arabera, debeku horrekin biltzeko eta adierazteko eskubideak urratu ziren.
Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.
Kazetarien Euskal Elkargoak eta Elkarteak "babes osoa" adierazi diete Antxeta Irratiari eta bertako kazetari eta kide guztiei, joan den larunbatean Hondarribiko Alardearen berri ematen ari zen kazetariak "Alarde Baztertzailearen fanatiko baten eskutik" jasandako erasoagatik.
Katalunian lazo horiak kentzea ala Zumaian kartel, pankarta eta aldarrikapen oro kaletik ezabatzea ez da "denon adierazpen askatasuna bermatzea".
