Hala Bedik eskatu du irrati lizentzien lehiaketa berriz egiteko
Legebiltzarrari eskatu dio Hala Bedi irratiak lizentziak banatzeko lehiaketa berria martxan jartzeko eta oraingoz behin-behinean emanda duen lizentzia behin-betikotzeko.
Ainhoa Villaverde Hala Bediko kidea mintzatu zaie legebiltzarkideei, eta adierazi du Eusko Jaurlaritzari eskatzeko iker ditzala 2012ko lizentzia banaketa egiteko prozesuan gertaturiko irregulartasunak.
Patxi Lopezen gobernuaren garaian aipatu irregulartasunak medio bertan behera utzi zuten esleipena. Villaverdek azpimarratu du ordutik geldirik dagoen gaia dela eta eskatu du behingoz pausoak eman eta afera konpontzeko.
Ikusi Hala Bedik zabaldu duen bideoa:
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.