Hainbat leherketa Bagdaden, AEBek Irak inbaditu zuteneko urteurrenaren bezperan
Gaur Bagdaden hamarnaka lagun hil dira eta beste hainbat zauritu ekintzaile suniek jaurtitako lehergailuen eztandaren ondorioz, zenbait hedabidek argitara eman dutenez. Bihar beteko dira hamar urte AEBek Irak inbaditu zutenetik.
Lehergailuak zituzten zenbait auto jarri dituzte suniek xiiten auzoetan, eta azkeneko datuek gutxienez 34 hildako egon direla diote. Lehenengo autoa jatetxe baten parean lehertu da, lau hildako eta 15 zauritu eraginez. Jarraian gutxienez beste bi leherketa egon dira.
Duela hamar urte, 2003ko martxoaren 19an, Irakeko gerra hasiko zuten lehenengo leherketak gertatu ziren Bagdaden. Bagdad kanpoaldeko Dora auzunean izan ziren leherketa horiek, bertan Saddam Hussein zegoela uste baitzen.
Hamar urte geroago izandako gertakariek erakusten dute, AEBen interbentzioak Iraken barruan tentsio sektarioak areagotzeko besterik ez duela balio izan.
20 urte bete ditu argazki honek, baita AEBek, Europako bere mariatxiek lagunduta, Irak inbaditu zutela. “Suntsipen handiko armak” hondatzea eta herrialdea “askatzea” izan ziren argudioak. Herrialde bat birrindu egin zuten: milioi erdi irakiar baino... [+]
Turkiak operazio militar berria abiatu zuen igandean Bashurren, PKK (Kurdistango Langileen Alderdia) desegiteko argudioarekin. Kurdistango Askapen Mugimenduak salatu du Ukrainako gerraren testuinguruan Kurdistanen aurkako erasoak areagotzen ari dela Turkia, eta horrez gain,... [+]
Gudarako droneen teknologian milioika dolarreko inbertsioak egin ostean, “historiako aire kanpaina zehatzena” iragarri zuen Barack Obama, AEBetako presidenteak. 2014tik gaur arte Pentagonoak bildutako dokumentuak aztertuta, ordea, “aire guda hau inteligentzia... [+]