ARGIA.eus

2022ko urtarrilaren 24a

Hainbat hedabide independentek zibererasoa salatu du

  • El Salto, La Marea, La última hora, Arainfo eta Kaos en la Red hedabideek salatu dute erasoa. Lehenengoak azaroaren 19an antzeman zuen erasoa eta La Marea-k berriz adierazi du egunak egin dituela erasoaren pean. Eraso ideologikoa izan dela uste dute hedabideok.

ARGIA @argia
2021eko azaroaren 22a

El Salto hedabideak jasan duen erasoa DDoS moduan da ezaguna. IP askotatik sartuta eta ‘bots’-ak erabilita, zerbitzaria erorarazten da informazio eske oldeak eginda. Informazio eskariak elsaltodiario.com/capitalismo url-ean egin dituzte erasotzaileek.

Bai El salto eta bai La Marea hedabideak Nodo 50 zerbitzarian daude ostatatuta.

El Salto-k adierazi du epaitegietara jotzea baloratzen ari dela “adierazpen askatasunaren kontrako eraso onartezina” izan delako. Eta ondokoa gehitu du hedabideak webguneko albistean: “Ez dugu onartuko informazio independentearen edo gure hedabidearen aurkako bortxarik”.

La última hora hedabidearen zuzendari Dina Bousselham-ek Eldiario.es agerkariari jakinarazi dio haien hedabideak egunetan jasan duela erasoa. Txio bidez ondokoa adierazi du: “Adierazpen askatasuna bertan behera uzteko boteretsuek duten mekanismo berria da. Prentsa elkarteak non daude hau salatzeko?”.

Magada Bandera La Marea-ko zuzendariak nahiago du zuhur hitz egin, baina uste osoa dute eraso ideologikoa izan dela “eraso dituzten webgune motarengatik eta horretarako aukeratu duten datagatik, alegia, azaroak 20, Franco hil zeneko urteurrena”.

 

Kanal hauetan artxibatua: Adierazpen askatasuna  |  Hedabideak

Adierazpen askatasuna kanaletik interesatuko zaizu...
2021-12-24 | Leire Artola Arin
Absolbitu egin dute David Suarez umoregilea: ez da gorroto delitua, “gustu txarreko txistea” baizik

Down sindromea duten emakumeei buruz idatzitako txio batengatik kartzela zigorra eskatu zuen Fiskaltzak. Auziak piztu egin du umorearen, gorroto delituaren eta adierazpen askatasunaren arteko mugaren inguruko eztabaida zaharra.


2021-07-15 | ARGIA
Peter De Vries kazetari holandarra hil da, kalean tirokatua izan ondoren

Duela egun batzuk kalean tirokatua izan zen Peter De Vries kazetaria, Herbehereetan eta mundu mailan oso ezaguna bere ikerketa kazetaritza lanengatik. Ostegun honetan hil da 64 urterekin. Zenbait iturriren arabera, narkotrafikoarekin lotura duten sareek mehatxaturik zegoen bere... [+]


2.300 euroko isuna jarri dio Zornotzako Udalak Martz grafitigileari

Herrian grafitiak egiteagatik ezarri diote zigorra. Martzek adierazpen askatasunaren eraso gisa ikusten du gertatutakoa eta esan du ez duela isuna ordainduko. Hainbat artistaren babesa jaso du.


Adierazpen askatasunaz

Egungo garaian, adierazpen askatasuna edonon eta noiznahi goraipatua den eskubidea da: eskubide politiko, sozial, praktiko eta moraltzat dauka gure gizarteak. Bizkitartean, adierazpen askatasunaren izenean, nahaskeria sozialak, zuzengabekeriak eta bortizkeriak hedatzen ikus... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude