Hainbat emakume Nafarroako Legebiltzarrean kateatu dira eta Foruzaingoak manifestari bat atxilotu du
Martxoaren 8ko mobilizazioen barnean antolatutako ekintza izan da.
Eguerdi aldera, emakume talde batek ekintza egin du Iruñeko Nafarroako Legebiltzarrean. Zenbait ekintzaile legebiltzarrera kateatzen ziren bitartean talde txiki batek pankarta bat zabaldu du sarrera nagusiaren aurrean. “Feminismotik dena aldatu. Sistema arrakalatu”, zioen pankartak.
Edurne Senosiain Esparzak zabaldu duen bideoak erakusten du legebiltzar aurrean irakurri duten mezua:
🟣Nafarroako Mugimendu Feministak Iruñeko kaleak hartu ditu. Nafarroako Parlamentuan kateatu dira eta lagun bat atxilotu du Foruzaingoak. Nazkatuta gaude!
— Edurne Senosiain Esparza (@EdurneSE) March 8, 2021
Dena aldatu, sistema arrakalatu!#M8 #Martxoak8 @M8EuskalHerria @NafarroakoM8 pic.twitter.com/lZkIIJSXp0
Foruzaingoa bertan zen, baina emakumeen asmoez ohartu eta korrika kateatzea ekiditen saiatu direnerako, ekintzaileak lotuta zeuden. Inguruan ekintza babesten ari ziren dozenaka feminista. Foruzainak pankarta eta protestan ari zirenak errepideaz bestaldera bidaltzen saiatu dira eta tentsioak gora egin du. Foruzainetako batek protestan eskuak goian zituela parte hartzen ari zen emakume bat heldu eta lurrera bota du. Atxilo eraman dute legebiltzar barnera eta ondoren ospitalera, besoan min hartu duelako, Naiz-ek jakitera eman duenez..
Ahotsa-k grabatu du gertatutakoa:
❗ Se encadenan en el Parlamento de Nafarroa#Martxoak8 pic.twitter.com/FyK870QeQt
— Ahotsa.info (@AhotsaInfo) March 8, 2021
#Martxoak8
— Ahotsa.info (@AhotsaInfo) March 8, 2021
Foruzaingoak Parlamentuan sartu du atxilotua pic.twitter.com/WnAfyY8mWs
Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]
Martxoaren 8a egun garrantzitsua da mugimendu feministarentzat, eta azken urteetako olatuari jarraiki, aurten ere ehunka herri eta hiritako kaleak beteko dituzte emakume langileen eskubideen aldeko aldarriz. Azaroaren 30eko greba orokorraren ildotik, zaintza eskubide publiko eta... [+]
Azaroaren 30eko Greba Orokorretik "indartuta" eta "saretuta" atera dira feministak. Jone Gil Landaburu, Euskal Herriko Mugimendu Feministako kideak nabarmendu du horri esker mugimendu feministak zaintzaren auzia erdigunean jarri duela. Horrez... [+]
Martxoak 8a “borroka eta salaketa eguna” dela gogorarazi du Euskal Herriko Mugimendu Feministak, eta mobilizazioetara batzeko deia zabaldu du. Aldaketa kultural eta instituzional sakonak eskatu ditu, emakumeen aurkako indarkeriei aurre egiteko.