Gutxienez bi zauritu, Baionako meskitan jazotako erasoan
Gizon batek molotov koktela jaurti du gaur Baionako meskitara, eta tiroketari ekin. Balaz zauritu ditu bi pertsona, eta larri dago horietako bat. Frantziako Poliziak Landetan atxilotu du erasotzailea.
Lekukoen arabera, erasoa eguerdiko 14:30ak aldera jazo da Baionako Joseph Latxage kalean dagoen meskitan. Naiz-ek adierazi duenez, erasoari buruz jakitera emandako informazioa guztiz argia ez bada ere, badirudi gertakariek ondoko ordenari jarraitu diotela: erasoa burutu duen gizona autoz gerturatu da meskitara, atetik gertu aparkatuz; meskitara sartu da hurrena, eta lehergaia jaurti; ustez, ostean hasi da tiroka.
Bi pertsona zauritu ditu balaz: bat besoan jo du eta toraxean bestea, larriki zaurituz azken hau. Bi zaurituak Baionako Ospitalera eraman dituzte.
Frantziako Poliziak Landetan atxilotu du erasotzailea, Saint-Martin-de-Seignanx-en, bere etxeko atarian. 84 urte ditu, eta zenbait iturrik jakinarazi dutenez, militar ohia da. 2015ean, departamenduko bozetan, Fronte Nazionalaren hautagaia izan zen.
Honakoa ez da meskitak jasaten duen lehen erasoa. 2017an bi molotov koktel jaurti zituzten meskita barrura, eta 2015ean pintaketa arrazistak egin zizkioten, Charlie Hebdo aldizkariaren aurkako erasoa jazo ostean.
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Irailetik aurrera, ikastetxe publikoetan abayah janztea debekatuta izango dute ikasleek Frantziako Estatuan. Neska musulman ugarik soinean eraman ohi duen tunika edo bata modukoa da abayah. Laikotasunaren defentsa ala islamofobia, hautsak harrotu ditu erabakiak.
Beloa zeraman emakume bati “historiaurrean bezala” jantzita zihoala esan eta Hendaiako jatetxe batean sartzea eragotzi zion jabeak. Semeak bideoan grabatu zuen gertatutakoa eta diskriminazioagatik epaituko dute orain jabea.
Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa... [+]