Guggenheimen zerga-salbuespena berretsi du Espainiako Auzitegi Gorenak

  • Ogasunak Guggenheim museoari lau artelanen inportazioagatik kobratu zion BEZa itzuli beharko diola ebatzi du Espainiako Auzitegi Gorenak, Auzitegi Nazionalaren epaia berretsiz.


2013ko ekainaren 13an - 00:00
Azken eguneraketa: 2015-02-26 13:37:33
Calder, Joan Miró eta Gleizesenak ziren ekarritako artelanak (Argazkia:Tony Hisgett)

1998an lau koadro utzi zizkion New Yorkeko Guggenheim museoak Bilbokoari. Aldi baterako inportazioa zenez gero, urte hartan museoak ez zuen BEZa ordaindu, ez eta hurrengo urtean ere, baimenaren luzapena eskatu baitzuen.

2000. urtean ere eskatu zuen luzapena Bilboko museoak, baina Ogasunak eskaera ukatu eta artelanei zegozkien 605.712 euro ordainarazi zizkion. Guggenheim Fundazioak auzitegitara jo zuen.

2009an Auzitegi Nazionalak museoaren alde egin zuen, BEZaren Legeko 54. artikuluak biltzen duen museo edo galeriatan erakusteko aldi baterako artelanen inportazioen zerga-salbuespena oinarri hartuta.

Estatuaren Abokatuak helegitea jarri zuen, aldi baterako inportazio baimena behin bakarrik luza daitekeela interpretatuz. Auzitegi Gorenak ordea, bigarren luzapena onartzeko moduko ez-ohiko kasua zela ebatzi duenez, 605.712 euroak berreskuratuko ditu Guggenheim Fundazioak.


Kanal honetatik interesatuko zaizu: Bilbo
GUKA aurkeztu dute, Bilboko ehunka euskaltzalek sortutako “plaza askea”

Erripako kaian euskaltzale ugari bildu dira euskaraz libre aritu ahal izateko sortu den mugimenduaren aurkezpenean. “Urte luzez bilbotarrek egindako lan ikaragarriaren ondorio eta ondorengo” izango dela adierazi dute.


“Elkarrizketarako dei zintzoa” egin die Mugimendu Sozialistak Gasteizko Txosna Batzordeari eta Bilboko Konpartsei

Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]


Bilboko Konpartsek ere aldarrikatu dute ez dela betorik, MSren salaketen aurrean

Lehengo astean Gasteizko Txosna Batzordeak egin bezala, Bilboko Konpartsen federazioak ere erantzun egin dio duela bi aste 150 kulturgilek sinatutako manifestuari. Bertan, Bilboko Konpartsetan eta Gasteizko Txosna Batzordean Mugimendu Sozialistari parte hartzen uzteko publikoki... [+]


Palestinaren aurkako genozidioa gelditzeko eskatu dute milaka lagunek Bilbon eta Iruñean

Yala eta Gernika-Palestina mugimenduek deituta kaleak bete dituzte Bilbon eta Iruñean. Hildakoak gogorarazteko performance bat eginda amaitu dituzte manifestazioak.


Eguneraketa berriak daude