Guggenheim Bilbao Fundazioa zigortu dute grebarako eskubidea urratzeagatik
2016an greba egin zuen eta ondoren kaleratua izan zen langile bati 6.251 euroko kalteordaina ematera eta hura berriz ere kontratatzera zigortu dute Guggenheim Bilbao Fundazioa, grebarako eskubidea urratu duelako.
2016ko udan, Museoak azpikontratatutako Manpower Group Solutions SLU enpresako hemezortzi hezitzailek, LAB sindikatuan antolatutakoek, grebak egin zituzten, "lizitazio pleguetan subrogazio klausula txertatzea eta jasaten ari ziren lan eta soldata baldintza oso prekarioetan hobekuntzak aldarrikatzeagatik", sindikatuak jakinarazi duenez.
Guggenheim Museoa Fundazioaren erantzuna izan zen azpikontratatzen jarraitu nahi zuten zerbitzua internalizatzea, horretarako hiru langile soilik bideratzea eta aurretik zerbitzua eskaintzen zuten hemezortzi langileak kaleratzea. "Hiru langile horiek izan ziren greba egin ez zuten bakarrak", dio sindikatuak.
Pasa den urtarrilean atera zen bakarkako salaketa jarri zuten langileetako baten aldeko epaia, eta orain bigarrena, "emaitza berarekin", LABen hitzetan.
"LABetik modo oso positiboan baloratzen dugu, langileek urte eta erdi honetan jasandakoaren gainetik, pairatu zuten injustizia aitortua izan dela azkenean. Nabarmendu nahi dugu langileek euren eskubideen urraketaren aurrean eta gatazka osoan zehar izan duten jarrera borrokalaria, eta zoriondu egin nahi ditugu horregatik, beste behin erakutsi dutelako antolaketa eta borroka direla prekarietatearen aurka jarraitu beharreko bidea".
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.