Gorputzaren habitata
Ekainarekin batera Artgiako ateak ireki dira. Gasteizko Judimendi auzoan dago sorgune eta erakusketa areto hau, eta Uxue Bereziartua hernaniarraren 41 Habitat esposizioa estreinatu berri dute. Ilustratzaileak 41 espazio edo mikroklimen inguruan hitz egiten digu, eta horretarako, emakumearen gorputza erdigunean jartzen du.
Artgia sorgune eta aretoak COVID-19a zela-eta 75 egun igaro ditu itxita, baina pasa den maiatzaren 31n indarberrituta zabaldu zituen ateak. Eskaintza artistiko indibidual eta kolektiboez gozatzeko aukera ematen duen espazio hau, sorkuntza artistikoa eta kultur kudeaketan oinarrituta dago. Erakusketarako toki bat baino gehiago da Artgia, elkartzeko, partekatzeko eta ikasteko arte galeria da, eta maiatzaren 31tik ekainaren 15era arte Berexi-ren artelanak zainduko ditu.
Uxue Bereziartuaren izen artistikoa da Berexi, eta bera izan da, hain zuzen, 2019ko EmART (emakume sortzaile gazteentzako deialdia) bekaren irabazleetako bat. Gipuzkoarrak urteak daramatza ilustrazioa, diseinua, serigrafia eta tatuajeak egiten, eta kolore paleta propioekin jolasteko ohitura dauka. Berde argiak, arrosak, laranjak, horiak eta marroiak dira gehien erabiltzen dituen koloreak, nahiz eta noizbehinka ukitu ezberdinak sartzen dituen haren lanetan.
Aurkeztu berri duen erakusketan, 39 emakume ezberdin irudikatu ditu hainbat koadrotan, gizartean nagusitzen diren kanonetatik urrunduz. Aluak, bularrak, ileak, zakilak eta gorputz biluziak gailentzen dira irudietan. Gizentasuna, amatasuna, depilazioa, haurdunaldia, feminitatea eta sexualitatearen inguruko hausnarketak datozkizu burura artelanak ikusi bitartean.
Ilustrazio bakoitzak sentimendu bat adierazi nahi digu, egoera ezberdin bat, bizitzako errealitate bat, hau da, askotariko sentsazioen mundu bat. Emakumeok bizi ditugun barne-gatazka ugariak plazaratzen dira, eta egileak dioen moduan, barne xomorroei begiratzeko ekintza da, zenbat xomorro biziko dira emakume honen barruan, eta zenbat joango ziren jada?
Imajinazioa lantzeko erakusketa honetan gorputz bakoitzaren atzean egon daitekeen istorioa aukeratzeko eta asmatzeko parada ematen digu egileak. Habitat bakoitzean gertatu dena eta gertatuko dena irudiztatzeko askatasuna.
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]
Interneten oinarria duen argazkigintza lehiaketa batean, 1839 Color Photography Awards delakoan, tranpa gertatu da. Kategoria berezia sortu zuten 2024ko ediziorako, Adimen Artifizialeko irudiak aurkeztekoa, eta irabazleak tranpa egin zuen, argazki erreala aurkeztuta irabazi zuen... [+]
Euskal Herriko kobazuloetan Madeleine aldiko (duela 18.500 eta 13.500 mila urte bitartekoak) labar-artea metodo konputazionalak konbinatuz aztertuta, ezaugarri espazialen eta ikonografikoen arabera bereizi dituzte irudiak, eta ondorioztatu dute lau multzotan bana daitezkeela.
Askotariko diziplina artistikoetan aritua, sona handikoa bai Euskal Herrian eta bai nazioartean, sortzez Alkizakoa zen semea igande honetan hil da bihotzekoak jota. Ur-Mara museoaren sortzaileetako bat izan zen, Thoreau espazioaren sorreran ere aritu zen eta Dantza filmean egin... [+]
Beste hainbat emakume artistaren gisara, Elsa von Freytag-Loringhoven (1874-1927) abangoardien historia ofizialetik erabat ezabatu zuten, bere jardun artistikoaren muina, sutsua bezain berritzailea izan arren.
Oihal fabriketako emakume langileak eta bertsoa josi ditu Emakumeen haria ekimenak. Ekainaren 7an izango da Villabonan. Bertaratzen denak ezagutuko du egun Bertsozale Elkartearen egoitza den Subijana etxea iraganean oihal fabrika izan zela; entzun ahalko ditu bertan lan egin... [+]
Gaur 100 urte beteko zituen Nestor Basterretxeak (Bermeo, 1924 - Hondarribia, 2014). Hamaika lanetan nabarmendu zen, eta hamaika bider mintzatu zen ARGIArekin. Pasarte interesgarri batzuk ekarri ditugu hona.
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
