Googlek 5.000 milioi dolarreko salaketari aurre egin beharko dio "ezezagun" moduan nabigatzen duten erabiltzaileen informazioa metatzeagatik
“Pribatutasun sentsazio faltsua sortzea” eta “iruzurra” egozten dio AEBetako enpresari Kaliforniako salaketa kolektibo batek.
The New York Times egunkariaren arabera, Googlek 5.000 milioi dolarreko (4.600 milioi euro pasatxo) eskakizun kolektiboa ordaindu beharko du Kalifornian, Telefono Interzeptazioaren Lege Federala (Federal Wiretap Act) urratu duela frogatzen bada. Lege horren arabera, enpresak ezin du erabiltzaileen baimenik gabe eta horiei modu pribatuan nabigatzen ari direla pentsaraziz Interneten egiten dutenari buruzko informazioa bildu. Salaketaren arabera, Googlek “kontsumitzaileen nabigazio-historia arakatu eta jasotzen du”, baita erabiltzaileek pribatutasuna mantentzeko neurriak hartzen badituzte ere. Salaketa jarri dutenen ustez, konpainiak datuak biltzerako orduan lege federala urratzeaz gain Estatuko arau bat ere hautsi du, alderdien adostasuna eskatzen duena.
Salaketak dionez, erabiltzaileak nabigazio pribatua aukeratzen duenean, enpresak bestelako jarraipen-tresnak erabiltzen ditu editore edota iragarleei erabiltzaileak bisitatzen dituen webguneak jakinarazteko. "Googlek kontsumitzaileen nabigazio-historia eta beste zenbait jarduera-datu arakatu eta biltzen ditu webgunean, kontsumitzaileek datuen pribatutasuna babesteko hartzen dituzten babes-neurriak alde batera utzita", dio Boies Schiller Flexner abokatu-bulegoko bazkide den Mark C. Maok Boies Schillerren oharrak.
Frantziako Lehiaren Agintaritzak Google-ri 250 milioi euroko isuna ezarri dio, merkatuaren lehiaren urraketa larriengatik, publizitate digitalaren sektorean egindako jarduerak direla-eta.
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. Hala ere, datorren ikasturtetik aurrera gauzak aldatzera doazela dirudi, datuen babeserako agentzia daniarrak legez kanpokotzat jo baitu... [+]
Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]
Orain arte ezezaguna zen zelatatzeko metodo baten berri eman du AEBetako Ron Wyden senatariak: mugikorreko jakinarazpenak. AEBetako eta beste estatu batzuetako gobernuak teknika hori erabiltzen ari dira, Reuters-ek jakitera eman duenez.