Larunbatean Donostian eta asteazkenean Tuteran oroitu dute ekintzaile ekologista. Koronabirusaren krisiaren testuinguruan Estalen borroka “erabat indarrean” dagoela adierazi dute Donostian.
Dozenaka lagun bildu ziren Donostian Eguzkik eta Gladys Gogoan taldeek deitutako omenaldian. Aurten 41 urte bete dira Guardia Zibil batek Gladys de Estal hil zuela Tuteran, tiroz. Estalen oroitarrian loreak ezarri zituzten partaideek, aurreskua eskaini zioten, eta zenbait kanta abestu zituzten.
Normaltasun “benetan berria”
Hizlarien lehenbiziko hitzak Zaldibarrentzako izan ziren. Mobilizazioak zeuden deituta egun berean Zaldibar eta inguruko herrietan, bi langileren heriotzatik lau hilabetera. Iragana, oraina eta etorkizuna lotu zuten deitzaileek: “Gladys ez dugu gutako bat izan zelako bakarrik gogoratzen. Gladys gogoratzen dugu, oroz gain, zorigaiztoko egun hartan Tuterara eraman zuten arrazoiak gaur egun ere erabat indarrean daudelako”. Koronabirusaren krisiak arrazoi horien beharra areagotu duela adierazi zuten, “ingurumena eta pertsonak gehiago errespetatuko dituen ekoizpen-, kontsumo- eta bizi-modu aldaketa baten beharra”.
Alarma egoeraren eta konfinamenduaren arintze fasean gauden honetan, etorriko den normaltasun berria normaltasun zaharraren itxura berdina izango duela salatu zuten Donostian, desberdintasunak eta bidegabekeriak sakonduz gainera: krisi ekologikoa, prekarietatea, askatasunen murrizketa... “Guk normaltasun berri benetan berria behar dugu”, aldarrikatu zuten.
Tuteran, asteazkenean
Tuteran asteazkenean omendu zuten Gladys del Estal, Bardenas Libres mugimenduak antolatuta. Donostiarra gogoratzen duen plakan loreak ezarri zituzten bertan bildutakoek.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]