Egoiliarrei laguntza ematea hainbat organismok legalki babestutako eskubide bat dela argudiatu dute, eta Gipuzkoako Foru Aldundiari horretarako bermeak jartzea eskatu diote.
Gipuzkoako egoitzetako erabiltzaileen senideek, egoitza publikoetan zein itunduetan bizi den egoera ikusita, Gipuzkoako Foru Aldundiari logeletara sartzeko baimena eskatu diote, "arropa eta gainerako objektu pertsonalak zaintzeko eta antolatzeko beharrei erantzuteko".
Agiri batean, funtzio hori erreferentziazko senidearen eskumenen artean sartzea proposatu dute, "BOEn dagoen figura legal bat, Mugarik Gabeko Medikuek eta Gizarte Eskubideen Estatu Idazkaritzak gomendatua", eta figura hori baliatzeko eskatu dute, "bereziki krisi garaian".
Logelarako sarrerak “prebentzioko osasun arau guztiak betez” egitea proposatu du Gipuzkoako Senideak elkarteak, "Erreferentziazko pertsona bera izanik beti, gutxienez hamabost eguneko maiztasunarekin".
Zentroa itxita egon arren, oinarrizko zaintzaren arduradunak astean hirutan senitartekoa bisitatu ahal izatea galdegin du elkarteak.
Halaber, "egoitzen eta egoiliarren eta senideen arteko oinarrizko harreman-elementu guztiak modu homogeneoan protokolizatzeko" ere eskatu du, komunikazio-bide estandarizatuaz gain. Horrek informazio guztia gardena eta eguneratua izan dadin balioko luke, zentroetako egunerokotasunari, eta bereziki, egungo osasun-krisiari buruzkoa.
Azkenik, elkarteak eskatu du zentroek "modu iraunkor eta sarrian" ezar ditzatela bideo-deiak, bisita protokolizatuak posible izan arren; izan ere, teknologia berriek "eguneroko elkarrizketa ahalbidetzen dute, eta hori ezinbestekoa da gure senideengan eragin handia duen isolamendu egoera batean".
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]