Getxon martxoko zabor-tasa ez ordaintzeko sinadura bilketa hasi dute

  • Hiru asteko grebaren ondoren langileek eta Cespa enpresak aurre-akordioa lortu dute. Orain, martxoko hondakinen zerga ez ordaintzeko eskaria abiatu dute hainbat herritarrek sinadura bidez.


2015eko apirilaren 08an - 11:13

Getxon 25 egunez iraun duen zabor bilketa grebari amaiera eman zioten langileek apirilaren 4an, Cespa enpresaren eta ELA, CCOO, UGT eta Ekintza sindikatuen artean aurre-akordioa lortu ondoren. Horren arabera, enpresak ez du inor kaleratuko eta lan hitzarmenen atzerapenak ordainduko ditu.

Herritarrek baina, ia hilabetez kaleetan jasan beharreko "zikinkeria" salatu dute eta sinadura bilketa hasi dute martxoko zabor-tasa ez ordaintzeko: "Garbitasun zerbitzurik jaso ez badugu enpresa kontzesionarioaren eta Udalaren partetik, eta horren ondorioz usain txarrak, osasun arriskua eta komertzioetan eragin ekonomikoa jasan baditugu, justiziazkoa da hori ordaindu behar ez izatea", dio Change.org plataforma numerikoan abiatutako ekimenak.

Arazoaren aurrean, salbuespen neurriak

Martxoaren 9az geroztik Getxoko kaleetan pilatutako zabor kopuru handiaren ondorioz, Udalak hondakinak zehaztutako bilketa egunetan ateratzeko eskatu zien bizilagunei. Era berean, Eusko Jaurlaritzak gutxieneko zerbitzuak finkatu zituen, eta greba bertan behera geratu bezperan agindua emana zuen, Udalaren eskariz, “osasunarentzat kaltegarria” izan zitekeen puntuetan zaborrak erretiratzeko.


Kanal honetatik interesatuko zaizu: Hondakinen kudeaketa Bizkaian
2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


Bizkaiko hondakinen kudeaketa

Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]


2022-11-23 | Uriola.eus
Artxandako zabortegiaren berrirekitzea salatu du Artxanda Parke Bai plataformak

Herritarren eta ekologisten plataformek Bilbo Handiko Metropoli parkea eskatu dute eta zabortegiaren irekitzea eta hedatzea salatu dute. Udalari, Eusko Jaurlaritzaren erabakietara “makurtu” dela egotzi diote. Aburtok, bi proiektuak bateragarriak direla adierazi du.


2022-03-02 | ARGIA
Barakaldoko hondakinen enpresa bat salatu du Ekologistak Martxanek

Barakaldoko Brutzeña auzoan hondakinekin lan egiten duen Contenedores Vascos baten aurkako salaketa jarri du Ekologistak Martxan elkarteak.


Eguneraketa berriak daude