Gerra-armategia aurkitu du Italiako Poliziak eskuin-muturreko talde bati eginiko sarekadan
Arma guztien artean, Qatarko armadak erabiltzen duen misil bat aurkitu dute. Sarekada Turingo (Italia) Fiskaltza egiten ari zen ikerketa bat dela eta egin dute.
Turingo Fiskaltzak egindako ikerketaren ostean, operazio antiterrorista bezala sailkatutako sarekada egin du Italiako Poliziak eskuin-muturreko talde baten aurka, eta gerrara bideratutako armak aurkitu dituzte. Arma horien artean, Qatarko armadak erabiltzen duen misil berdina aurkitu dute; misil hau Frantzian egina da, 3,54 metro ditu eta 25 kilometroko iritsiera du.
Bestalde, aire-aire izeneko misilak ere aurkitu dituzte. Misil hauek gerra-hegazkinetatik jaurtitzen dira beste hegazkin batzuk suntsitzeko. Beraz, aurkitutako materialaren nolakotasuna dela eta, Italiako Poliziak argi du gerra-eremu batera bideratutako armak direla. Ikerketaren arabera, armak Donbasseko Gerrara bidaltzeko asmoa zuten, Ukraniako milizia faxistei emateko.
Misilez gain, punta-puntako erasorako errifleak zeuden armategian, munizio eta propaganda naziaz gain. Hiru pertsona atxilotu ditu poliziak; haien artean Fabio Del Bergiolo, Forza Nouva alderdi neofaxistako 50 urteko hautagai ohia.
“Ez dago argi”
Giuseppe De Matteis Turingo poliziaren buruzagiak adierazi duenaren arabera, hipotesiak dituzte materialarekin egin nahi zutenari buruz, baina oraingoz informaziorik argitaratuko ez dutela gehitu du: “Kasu ezezagun bat da Italian, aurrekari gutxirekin”.
Forza Novako buruzagiek berehala esan dute ez dutela erlaziorik sarekadako arma ez pertsonekin, jendeak sare sozialetan berehala lotu baitzuten alderdia atxilotutako pertsonekin eta armekin.
Police seize missile and #Nazi symbols from far-right extremist groups#Italy #Turin pic.twitter.com/hiW4Wmoyrz
— Ruptly (@Ruptly) July 15, 2019
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]