Asteazken gauean lapurreta egin dute Astran, eta herri mugimenduen erabilerarako bertan gordetzen ziren hainbat baliabide lapurtu dituzte.
Ordenagailu, fotokopiagailu, proiektore, musika-ekipo eta antzerako baliabideak eraman dituzte. Herri Mugimenduko zein Astrako kideak oraindik datuak eta informazioa biltzen dabiltzan arren, 6.000 eurotik gorako lapurreta dela kalkulatzen dute.
Gertakariaren harira, ostiralean, ekainak 8, prentsaurrekoa deitu dute 19:00etan, Astra aurrean. Bertan, erasoari erantzuna eman eta egoera baloratuko da. Babesa adieraztera bertaratzeko deia egin diete herritarrei.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.