‘Gerezien denbora’ pastorala berriz eskainiko dute igandean Errobiko jaialdian
'Gerezien denbora' pastoral hiritarra bigarrenez ikusteko aukera izango da igandean Itsasun, Errobiko jaialdiaren baitan. Izen bereko Itxaro Bordaren eleberrian dago oinarrituta eta Beñat Axiari arituko da errejenta lanetan.
Ekainaren 29an estreinatu zen 'Gerezien denbora' pastorala. Baionako portuan egitekoa zen arren, eguraldi txarra tarteko, azkenean Lauga kiroldegian taularatu zuten. Unai Brea ARGIAko kazetariak orduan idatzitako artikuluan azaldu zituen pastoralaren xehetasun gehiago:
“Errejenta lanak egingo dituen Beñat Axiariren nahikari batengatik sortua da Gerezien Denbora, Zuberoatik kanpo eraikitako lehenbiziko pastorala. Hiri pastorala esan diote bere sortzaileek, baita pastoral post-industriala ere, baina nago adjektiboa zehatzagoa litzatekeela 'post' aurrizkia gabe. Ez zaitzala nahasi izenak iradokitzen duen naturarekiko loturak; Gerezien Denbora fabrika batean gertatzen den istorioa da, eta bertako langileen borroka du ardatz. Edo ardatzetako bat bederen.”
Pastorala Errobiko jaialdiko protagonista
19. edizioa du aurten Errobiko jaialdiak. Antolatzaileen arabera, aurtengo festibalak pastoral tradizionalaren indarguneak eta hiri-pastoralen ezaugarriak erakutsi nahi ditu; dantzaren, kantuaren eta antzerki musikatuaren bitartez ”memoria eta kultur-sorkuntza” uztartuz.
Jaialdiaren antolatzaile ere baden Beñat Axiarik adierazi du aurten ere nazioarteko eta bertako artistak batuko direla, jaialdiaren muina den sorkuntza artistikoaren baitan. Egitarau osotik, “ehun aktore, dantzari, abeslari eta musko baino gehiagoren lankidetzan” sortutako pastorala nabarmendu du Donapaleuko kantariak.
Azken aukera asteburu honetan 'Inexa de Gaxen' pastorala ikusteko.
Lehen aldiz ekainean antzeztu zuten Inesa de Gaxen pastorala, Bastidan (Nafarroa Beherea). Izan zuen arrakasta ikusita, xarnegutarrek irailean berriz biziberrituko dute Gaxengo Inesaren historia, irailaren 21 eta 22an, Bardozen (Lapurdi). 1.000 sarrera jarri dituzte salgai... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.
Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]
