'Adur' aurkeztuko dute ostiralean, Erdi Aroan kokaturiko euskarazko rol jokoa
Euskarazko rol jokoak ez dira asko. Euskaraz aritu nahi duten jokalariak badira, ordea. Eneko Azedo da horietako bat. Jokalaria ez ezik, ‘Adur’-en sortzailea ere bada, euskal mitologiako pertsonaiak ardatz dituen jokoarena eta haren liburuarena. Ostiralean aurkeztuko dute, Twitch-eko ‘River Rock’ kanalean, 22:00etan.
Hiru eta sei lagunen artean jolas daiteke, online ere bai. Euskal Herriko Erdi Aroan girotua, laminak, Mari, jentilak... gorpuztuko dituzte jokalariek, bidean aurkituko dituzten erronkak gainditzea helburu. Adituek zein hasiberriek jolasteko modukoa da.
Helburua da, batetik, rol jokoetan euskaraz aritzea; eta bestetik, historia eta mitologiari buruzkoak “era dibertigarriago batean ikastea”, Azedok dioenez, Berria-ko kazetari Ane Insaustik egindako elkarrizketan. “Historia testuliburuen bidez ikastera ohituta gaude, zerbait estatikoa da; eta, jokoaren bidez, mundu horretan sartu eta bizi egiten duzu garai hartako egoera”.
Zer da ADUR?
— ADUR rol jokoa (@AdurJokoa) May 19, 2021
Hor doa haria:
Jokoa, 1990. hamarkadakoa
Adur jokoak 1990. hamarkadan ditu erroak. Orduan sortu zuen Azedok, lagunekin aritzeko: “Garai hartan, rol jokoak ez ziren oso ezagunak, oso jende gutxi ibiltzen ginen jolasean. Azkenaldian, jendea rol jokoak ezagutzen hasi da, zabaltzen ari dira, eta ni aspaldian asmatutako jokoa idaztera animatu naiz”, dio, liburua hizpide.
Geroz eta gehiago dira rol jokoetan euskaraz aritzen direnak. Horren erakusgarri da, esaterako, 40 bat lagun biltzen dituen @rolariak Telegram kanala, eta iaz antolatu zuten Rolaldia, 80-100 lagun bildu zituena.
Finantzaketa kanpaina
Maiatzaren amaiera aldean, finantzaketa kolektiboko kanpaina abiatuko dute Itsulapikoa.eus plataforman, eta jendea animatu nahi du ekarpena egitera: Ekarpena egiten dutenek jokoaren ale bat jasoko dute trukean.
Bazirudien eguna ez zela inoiz helduko, baina https://t.co/cIwghZVpo8 -eko diru-bilketa hurrengo astean hasiko da! Maiatzak 21ean, ostirala, zuzeneko txiki bat egingo dugu kanpainaren aurkezpena egiteko. Bertan liburuaren azala eta txanponen diseinua aurkeztuko ditugu, ez galdu! pic.twitter.com/LpdcQnBxSr
— ADUR rol jokoa (@AdurJokoa) May 10, 2021
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.
Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]