4.000 lagun bildu dira asteburuan Bartzelonan antolatzaileen arabera, gentrifikazioaren, turismo masiboaren eta alokairuen igoeraren aurkako manifestazioan. Hamar solairuko eraikin bat okupatu dute bidean. Instituzioei neurriak har ditzaten exijitu diete.
“Bartzelona ez dago salgai” lemapean, hedabide kataluniarrek nabarmendu dute aldarrikapen honen alde egindako bigarren deialdia dela. Poblesec auzoan, ekintzaile talde batek zortzi urte hutsik zeramatzan eraikin bat okupatu du, eta astelehenerako arduradun politikoak deitu “azal dezaten zergatik inork ez duen ezer egin sei solairuko eraikin bat itxita egon ez zedin, hiritik hainbeste lagunek joan behar duten bitartean”.
La Directak ondorengo bideoa egin du manifestazioari buruz.
Manifestazioak egin duen ibilbideko hotelei pegatinak jarri dizkiete sarreran, aurkakotasuna erakutsiz.
PAHko Carlos Maciasen hitzak jaso ditu El Periodikok. “Berehalako neurriak behar ditugu buitreen higiezinen kolonizazioari aurre egiteko, bizilagun guztiak kanporatuko baitituzte. Bartzelonak alokairu prezioak jaistea behar du eta babes ofizialeko etxebizitzen parkea askoz gehiago haztea”. Maizterren Sindikatuko eledun Lourdes Garcíak adierazi du alokairuari buruzko legea aldatu beharra dagoela, kontratuak luza daitezen, besteren artean.
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.