“Kataluniari susto bat emateko” atentatu yihadistak gertatzen utzi zuten Espainiako inteligentzia zerbitzuek
José Manuel Villarejo polizia ohiak 2017ko abuztuan Katalunian izandako atentatu yihadistekin lotu ditu Espainiako Zerbitzu Sekretuak (CNI gaztelaniazko sigletan). Tandem kasuagatik izaten ari den epaiketan egin ditu adierazpenok. Atentatu haietan 16 herritar hil eta 150etik gora zauritu zituzten Bartzelonan eta Cambrilsen.
José Manuel Villarejoren arabera, Ripollgo imana atentatu yihadista prestatzen ari zela jakitun ziren eta CNIren asmoa "Kataluniari susto txiki bat ematea zen, baina ondorioak gaizki kalkulatu zituzten".
Kataluniako hedabide guztiek jaso duten arren –hemen La Vanguardiako albistea, adibidez–, Espainia mailakoetan nahiko oharkabean pasa da albistea. Bideo honetan bere hitzak, gaztelaniaz.
Abuztuaren 17ko atentatu haietan hamasei herritar hil eta 152 zauritu zituzten, urriaren 1erako deituta zegoen autodeterminazio erreferenduma baino hilabete eta erdi lehenago. Lurrikara politikoa eragin zuten. Espainiako alderdi eta presio talde nagusiek gertaera tragiko haiek baliatu zituzten erreferenduma bertan behera uzteko eskatzeko.
Adierazpen hauek hautsak harrotu dituzte Katalunian berriro ere. Puigdemont presidentea, erbestetik, oso haserre mintzatu da:
"Espainiako Estatuak erantzukizuna du Bartzelonako 2017ko atentatu terroristetan. Erantzukizuna du atentatuaren buruak Espainiako zerbitzu sekretuekin zituen loturak sakon ikertzeari uko egin diolako. Eta baditu, Villarejo komisario ohiak adierazitakoagatik. Espainiako Estatuaren estolderiaren erdigunean egon da Villarejo, badaki zertaz ari den hizketan. Espainia inkriminatu berri du Europan gertatutako azken sarraski terroristetako batengatik. Eta ez du telebistako programa batean edo artikulu batean esan, epaitegian esan du. Estolderia espainiarrak hamabost pertsona errugaberen bizitza moztu zuen eta ehun zauritu baino gehiago eragin zituen Kataluniako herriari mezu bat bidaltzearren, independentziari buruzko erreferenduma egiteko prest baitzegoen. Espainiako politikari batzuek ohartarazia zuten "gauzak gertatuko" zirela. Horiek al ziren gertatu behar ziren gauzak? Villarejok baietz dio. Krisi hari aurre egin behar izan zion Kataluniako presidente gisa, munduaren aurrean aurpegia eman eta biktimekin egon behar izan nintzenez, azalpenak eskatzen dizkiet estatuburuari eta gobernuko presidenteari: Espainia susmopean dago".
Kataluniako Generalitateak adierazi du ekinbide legalak abiatzea aztertzen ari dela. "Abuztuaren 17a betirako markatu gaituen sarraskia izan zen. Eta Villarejoren hitzak egia badira, azalpenak behar ditugu berehala. Ongi dakigu nola funtzionatzen duten estatuaren estolderiek, horregatik exigitzen dugu iker dadila gertatutakoa, egia jakin dadin", adierazi du Pere Aragonès presidenteak Twitterren.
Kataluniako herritarren artean adierazpenok eragin duten haserrearen erakusle izan da ilunabarrean trending topic izan den #EspanyaAssasina traola.
Kataluniaren aurkako atentatu terroristak
2017ko abuztuaren 17 hartan, 17:00ak inguruan, furgoneta batek 530 metro egin zituen ziztu bizian Bartzelonako Ramblen pasealekuaren erdialdetik jendea harrapatuz. Estatu Islamikoak atentatua aldarrikatu zuen. Bartzelonako erasoan hamasei pertsona hil ziren –horien artean hiru eta zazpi urteko bi haur– eta 131 zauritu. Furgonetako gidariak, Younes Abouyaaaqoubek, oinez ihes egitea lortu zuen La Boqueriako merkatua zeharkatuz eta Bartzelona oinez zeharkatu zuen unibertsitateen ingururaino. 18:20an, autoa aparkatzen ari zen 35 urteko gazte bat hil eta ihes egin zuen.
Bartzelonako erasoaren ondoren, goizaleko 01:15etan, beste atentatu bat gertatu zen Cambrils herrian. Mossos d'Esquadraren kontrol batetik ihes egiten saiatu eta sei pertsona harrapatu zituzten autoarekin –horietako hiru poliziak–. Zazpigarren pertsona bat aurpegian zauritu zuten terroristetako baten erasoagatik, eta hark ere hil aurretik metro batzuk egitea lortu zuen. Cambrilsen labankadaz zauritutako emakumeetako bat ordu batzuk geroago hil zen.
Público egunkariak esklusiban argitaratu zuen atentatu hauen burua zen Ripollgo imana Espainiako zerbitzu sekretuen konfidentea zela eta informazioa pasa ziela atentatuen bezpera arte. Gaia xehe aztertzeko ikerketa batzordea irekitzeari uko egin zioten Espainiako alderdi nagusiek.
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Espainiako Gobernuaren estrategia politikoaren barruan mugitu du fitxa PSOEk: protagonista handirik gabeko irudi batekin jakinarazi dute akordioa, baina detaile gutxi emanda eta datarik ipini gabe.
Anstey (Ingalaterra), 1779. Leicesterren kanpoaldeko herriko ehungintza fabrika batean, ugazabak Ned Ludd izeneko aprendizari errieta eta jipoia eman zizkion, ehungailua gaizki erabiltzen ari omen zelako. Haserre, Luddek mailu bat hartu eta bi makina hondatu... [+]
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
Haur Hezkuntzatik hasi eta Derrigorrezko Bigarren Hezkuntza amaieraraino, ikastetxeetan mugikorra debekatzea du helburu Kataluniako Generalitateko Hezkuntza kontseilariak. 6 urtera arteko haurren ikasgeletan material teknologikorik ez egotea eta eskolen digitalizazioa aztertzea... [+]
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]