Gazte txinatarrak gehienez ere hiru orduz aritu daitezke astean bideo-jokoetan
18 urtez azpikoek soilik ostiral, larunbat eta igandeetan jolastu ahal izango dute bideo-jokoetan, gehienera ere ordubetez egunean. Legearen helburua gazteen osasuna babestea dela dio Txinako Gobernuak, baina jokoen fabrikatzaileek salatu dute gehiegizkoa dela, eta Gobernuaren nahia enpresa teknologikoen boterea murriztea besterik ez dela.
Jaione Dagdrømmer-ek Gaztezulo aldizkarian plazaratutako artikuluak jarri gaitu albistearen arrastoan. Dioen moduan, aipatu egunetan –eta jai egun zehatzetan– soilik ordubetez jolastu ahal izango dute, eta 20:00etatik 21:00etara bitartean derrigor. Gaur arte, gazteek 1,5 orduz jolas zezaketen eskola-egunetan, eta egunean 3 orduz oporretan.
Neurri berri hauen aurrean, fabrikatzaileek debekatua izango dute euren zerbitzuak adin txikikoei eskaintzea ordutegi horietatik eta egun horietatik kanpo. Egiaztapen sistemak ezarri beharko dituzte, gainera, adin txikikoak dokumentuak faltsutuz sartu ez daitezen.
Interes gatazka
Txinan 110 milioi adinez txikiko aritzen dira bideo-jokoetan, Reuters agentziak bildutako datu ofizialen arabera. Erdia baino gehiago (%62,5) on-line aritzen dira, eta %13k bi ordu baino gehiago ematen du egunean jolasean mugikorraren bitartez. aldiz, bideo-jokoen fabrikatzaileek diote euren negozioaren parte oso txikia osatzen dutela adinez txikikoek. Tencent enpresak emandako datuen arabera, irabazien %3 baino ez dute ordezkatzen, La Vanguardia egunkariak nabarmendu bezala. Hain justu, Tencent, NetEase eta Ubisoft bezalako konpainiek gogor kritikatu dute Gobernuaren erabakia, helburutzat enpresa teknologikoen indarra murriztea besterik ez duelakoan. Egia esan, herritarrak are gehiago kontrolatzeko trikimailua izan daitekeela pentsatzeak badu zentzurik.
2019tik gaixotasun gisa onartua
Munduko Osasun Erakundeak 2019an sartu zuen bideo-jokoekiko menpekotasuna gaixotasunen nazioarteko sailkapenean, duela gutxi beraz, eta arazoari buruzko datu globalik ez dago oraindik. Badira ordea hainbat ikerketa gaiaren dimentsioaz jabetzeko argigarriak. AEBetako Osasun Institutuak plazaratutako datuen arabera, 2.000 lagun aritzen dira mundu osoan bideo-jokoetan, eta haietatik %3k du adikzioa, adinez txikikoek baino gehiago, helduek.
11-16 urte bitarteko gazteen %23ak dio etxean ez dietela inongo kontrolik ez araurik ezartzen, mugikorraren, bideo-jokoen edo bestelako teknologiaren erabilerari lotuta. Nafarroako Ikastolen Elkarteak egindako ikerketaren emaitzetako bat da: “Gazteak digitalki hezten ari... [+]
Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]
Game Erauntsiak, 2022ko jokoekin egin zuen bezala, 2023ko bideojoko onena aukeratzeko bozketa jarri zuen martxan Gabonetan, eta joan den astean jakinarazi zituzten emaitzak. Baldur’s Gate izendatu dute urteko joko onena zaletuek, baina guri gehiago interesatuko zaizkigu [+]
Euskal Game Jam ekimenaren helburua da bi egunez bideojoko sortzaile euskaldun hasiberriak zein profesionalak biltzea, "euren abileziak agerian jarri eta harremanak sortzeko", Zomorro Studio, Game Erauntsia eta EHU eragile antolatzaileek azaldu dutenez. Azaroaren 17tik... [+]
Lehen eta Bigarren hezkuntzako ikasleek duten pantaila kontsumo, ohitura eta praktikak aztertuta, "gure ustez, familiek ez dakite nerabeek zer egiten duten mundu digitalean", diote macsonrisas-eko hezitzaile digitalek. Hego Euskal Herriko ikasleekin joan den... [+]