Ostegun eguerdian Gasteizko Zentro Sozialista desalojatzen hasi dira ertzainak, Laboral Kutxaren aginduz. Arabako hiriburuko Dato kalean dagoen egoitzara pertsona bat lotu da goizean, eta hari babesa ematen ari zirenen kontra oldartu da Ertzaintza.
Tentsio uneak Gasteizen Dato kalean. Zentro Sozialista deslojatzeko agindua eman du Laboral Kutxak ostegun honetan 13:15etan, aurreikusita zegoen bezala. Zentroa husteko operazio poliziala abiatu du Ertzaintzak eta eguerdian izandako oldarraldietan hainbat pertsona identifikatu –EFE agentziaren eta EiTBren arabera bederatzi lirateke– eta gutxienez gazte bat atzeman du. Zaurituak ere izan dira poliziaren golpe eta bultzakaden ondorioz.
Gedar kazetak azaldu duenez, gutxienez hiru lagunek ospitalera joan behar izan dute eta Ertzaintza rotaflexak eta mailuak erabiliz sartu da egoitzara. Tentsio une nabarmenak izan dira, baina hasierako oldarraldiaren ostean gazteek aurrera egin dute berriz ere.
Ertzainek kargatu ostean, jendeak aurrera egin du berriz, "Zentro Sozialista aurrera" oihu artean. pic.twitter.com/ubopDLP85c
— Gedar.eus (@GedarLangileKZ) January 13, 2022
Goizean, pertsona bat egoitzaren erakinera lotu da, desalojoagatik protesta egiteko eta ertzainek haren inguru hesitu dute. Berriako kazetari Unai Etxenausiak jaso duenez, une horretan jendea kateatu den lagunari babesa ematera gerturatu da eta Ertzaintza oldartu egin zaie.
Jendetza gerturatu da kateatu den pertsonari babesa eskaintzera. Ertzaintza iritsi denean, bertaratutakoak indarrez kanporatu eta eraikina inguratu dute@berria
— Unai Etxenausia (@EtxenausiaUnai) January 13, 2022
Hala Bediren arabera, jendea bultzaka eta kolpeka eraman dute General Alava kaleraino eta hainbat mehatxu egin diete, errepidea moztuz gero salatu egingo dituztela.
Ireki du atea dagoeneko serrailagileak, desalojoa 13:15etan aurreikusia zegoen arren. Protestan dauden pertsonen aurka oldartu dira ertzainak. pic.twitter.com/nMhEqwZoTk
— Hala Bedi (@halabedi) January 13, 2022
Abenduaren 28an jakinarazi zuten Gasteizko Kontseilu Sozialistak eta Erraki Langile Kontrolpeko Espazioen Babes Sareak, Laboral Kutxak uko egin ziola negoziatzeari, Dato kalean duen egoitzan sorturiko Zentro Sozialistaren inguruan: "Desalojoarekin jarraitzeko hautua hartu du". Espazio, politiko, sozial eta kultural gisa aldarrikatu dute zentroa eta bertan egindako ekintza anitzak gogorarazi.
Gasteizko Kontseilu Sozialistaren esanetan operazioan Ertzaintzak dron bat ere erabili du: "Gaur garaitu egin gaituzte, baina zentroen beharra agerikoa da eta horregatik antolatzen jarraituko dugu", azaldu du erakunde horretako ordezkari batek sare sozialetan zabalduriko bideoan. Arratsaldeko 18:30ean manifestazioa deitu dute Gasteizko Andra Mari Zuriaren plazan.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.