Gasteizko Santiago ospitaleko larrialdi zerbitzuaren "eraisketa" salatu du ESK sindikatuak, langile murrizketa dela eta

  • Zerbitzutik zortzi erizain eta bi erizain laguntzaile kendu dituztela salatu du sindikatuak. Larrialdi horietara herritar bereziki zaurgarriek jotzen dutela azpimarratu du, eta agintariei eskatu diete “pertsonak zenbaki soiltzat hartzeari uzteko”.


2024ko urtarrilaren 30an - 15:56
Azken eguneraketa: 2024-01-31 14:34:07
2022ko langileen mobilizazioa, Santiago ospitaleko larrialdi zerbitzua ixtearen aurka. Argazkia: Hala Bedi

Arabako ESIko Erizaintzako Zuzendaritzak erabaki ditu murrizketak, ESK sindikatuak jakinarazi duenez, pazienteen beherakadaren ondorioz langileen “berregituraketa” beharra argudiatuta. Baina sindikatuaren ustez “aldebakarreko” erabakiarekin larrialdietako zerbitzua “eraisten jarraitzen dute”.

Santiago ospitaleko larrialdietara egoera bereziki zaurgarrian aurkitzen diren herritar ugari hurbiltzen direla azpimarratu du ESK-k: "Gehienak adineko pazienteak dira, patologia askotarikoak, eta zaintza handiak behar dituzte horiek egonkortzeko". Gogoratu du, zentzu horretan, ospitale horretan dagoela larrialdi psikiatrikoetarako zerbitzua, ohikoa baino osasun profesional gehiago eskatzen dituena maiz. Gainera, larrialdietako murrizketek jada “saturatuta” dagoen Olagibel kaleko Etengabeko Arreta Guneko paziente kopurua “nabarmen” handituko dutela aurreikusi du.

Murrizketak murrizketen gainean

Bi urte joan dira Arabako ESIak larrialdietako arreta Txagorritxuko ospitalean zentratzea erabaki zuenetik, eta horrek, "Santiagoko larrialdiak de facto ixtea” ekarri zuen, ESKren esanetan. Erabaki haren aurka, Osasun Publikoa Aurrera plataformak ehunka herritar batu zituen giza-kate batean  eta egun gutxitan 7.000 sinadura baino gehiago batu zituen, besteak beste. Sindikatuak arduradunei eskatu die utzi diezaiotela “pertsonak zenbaki soiltzat hartzeari” eta osasun publikoaren kudeaketa “merkataritza” irizpidetan egiteari.


Kanal honetatik interesatuko zaizu: Osakidetza
Osakidetzaren erradiografia
Egiturazko arazoa: esku pribatuek kudeatzen dute gure osasuna

Gainezka daudela-eta prekarietatea salatzen dute langileek; bien bitartean, geroz eta itxaron-zerrenda handiagoak osatzen dira pazienteen artean. Medikuak falta direla izan daiteke arazoetako bat, baina zauriari jatorria begiratzen hasi eta hainbat gako ulertuta, argi antzematen... [+]


Osakidetzaren erradiografia
Hiru hiriburu, hiru gatazka

Erreportaje nagusiaren barnean (Egiturazko arazoak: esku pribatuek kudeatzen dute gure osasuna), Euskal Autonomia Erkidegoko hiru hiriburuetako gatazka esanguratsuenak aletu ditugu.


Jaioberrien orpo-proban gaitz gehiago aztertzera behartuko du Osakidetza Espainiako Gobernuak

Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]


Jaioberrien orpo-probak 14 gaitz bilatuko ditu aurrerantzean EAEn, antzeman daitezkeen 50 gaitzetatik oraindik urrun

Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]


Eguneraketa berriak daude