Segurtasun Sailaren arabera, hemezortzi ertzainek hartu zuten min maiatzaren 18an Gasteizen egin zen herri harresiaren desegite lanetan. Bada, Legebiltzarrera bidalitako datuek erakusten dute gehiegizko esfortzuak eragin zituela horietako hamaseiren lesioak. Soilik bi zauritu zituzten kolpe, ostiko edota burukaden ondorioz.
Garako Iñaki Iriondoren arabera, Jaurlaritza erresistentzia pasiboaren irudia zikintzen saiatu zen, agenteei aurre egiterakoan defentsa aktiboa ere izan zela esanez. Aipatu datuek, baina, kontrakoa erakusten dute, herri harresiko kideek zuzenean soilik bi agente zauritu baitzituzten. Gehiegizko esfortzua pairatu zuten hainbat agentek adierazi dute kolpeak ere jaso zituztela, batik bat eskuetan, baina hauen diagnostikoetan ez zaie kolpe, ostiko eta bestelakoei aipamenik egiten.
Iriondoren artikuluan jasotzen denez, zaurituriko hemezortzi ertzainetako bostek baja hartu zuten, baina horietatik soilik baten diagnostikoan ikus daitezke eraso zantzuak –erorikoa eta mina ezker eskumuturrean–. Gainontzeko lauen kasuan lesioak batik bat gainesfortzuak eragindakoak izan ziren.
Herri harresiko 42 kidek Ertzaintza judizialki salatu zuten
Hainbat atxilotu eta zauritu izan ziren Andra Maria Zuriaren enparantzan egin zen polizia operazioan. Askok agenteen oldarkortasuna salatu zuten. Guztira 42 izan ziren herri harresiko kideek Ertzaintzaren aurka jarritako salaketa judizialak.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]