Loiolako herri harresian atxilotutakoei laguntzeko bertso saioa ostiralean Azpeitiko Gaztetxean

  • Loiolako herri harresian atxilotu zituzten Esteban Orbegozo azpeitiarraren eta Beñat Hach Embarek ormaiztegiarraren kontrako epaiketak eta prozesuak eragin dituen gastuei aurre egiten laguntzeko bertso saioa izango da ostiralean, Azpeitiko Gaztetxean. Aitor Bizkarra, Aitor Salegi eta Nerea Ibarzabal ariko dira kantuan, eta afarirako txartelak Urola Expres eta Orkatz tabernetan izango dira eskuragarri.

Uztarria
2018ko urtarrilaren 30a
Bertso afariaren kartela.

Loiolako herri harresian atxilotu zituzten Esteban Orbegozo azpeitiarrari eta Beñat Hach Embarek ormaiztegiarrari elkartasuna adierazteko eta haien kontrako epaiketak eta prozesuak eragin dituen gastuei aurre egiteko bertso saioa izango da ostiralean, Azpeitiko Gaztetxean. 'Loiolakoak libre. Elkartasunetik konpromisora' izenburupean egingo den saioan Aitor Bizkarra, Aitor Salegi eta Nerea Ibarzabal ariko dira kantuan, eta afarirako txartelak Urola Expres eta Orkatz tabernetan izango dira eskuragarri. Landunek 10 euro ordaindu beharko dute sarrera, eta, gainerakoek, 8 euro.

Eleak mugimenduak eta Libre dinamikak deituta, Orbegozok eta Hach Embarekek agerraldia egin zuten joan den abenduan Loiolan, beraien kontrako epaiketa "salatzeko" eta prozesuak eragindako "gastuei aurre egiteko laguntza eta elkartasuna eskatzeko". 25.000 euroko gastuari aurre egiten laguntzeko kontu korronte zenbaki bat ere zabalduta dute: ES 65 3035 0006 84 0060022507.

Albiste hau Uztarriak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: AskeGunea Loiola  |  Bertsolaritza  |  Azpeitia

AskeGunea Loiola kanaletik interesatuko zaizu...
2018-07-25 | ARGIA
Elkartasun ekintzekin, Loiolako herri harresiagatik zigortutako bi kideen isuna ordaintzea lortu dute

Loiolako Herri Harresian parte hartzeagatik jarritako zigorra ordaintzea lortu dutela informatu du Eleak-Libre mugimenduak. Esteban Orbegozo azpeitiarrari eta Beñat Hach Embarek ormaiztegiarrari 23.663 euroko isuna jarri zieten eta herriz herri egindako ekimenen bidez lortu dute ordaintzeko dirua.


Loiolako mendekua

Euskal gazteriaren aurkako Espainiako Estatuaren errepresioaren erdian, 2014ko irailaren 22an, Loiolako Basilikaren eskalinatan Herri Harresia egin genuen, epaiketara aurkeztu ez ziren bost euskal gazteak babesteko asmoz. Bertan izan ziren, beste ehunka herritarren moduan, Ertzaintzaren salaketaren ondorioz 23.663 euro ordaintzera zigortu dituzten Esteban Orbegozo azpeitiarra eta Beñat Hach Embarak ormaiztegiarra.


2017-12-18 | Topatu.eus
29.300 euroko isun eta gastuei aurre egin beharko diete Loiolako harresian atxilotu zituzten bi gazteek

Esteban Orbegozo eta Beñat Hach Embarek zigortzea erabaki du Gipuzkoako Lurralde Auzitegiak, ertzain bat zauritu izana leporatuta. Dirua biltzeko hainbat ekimen antolatuko dituzte.

 


2017-01-26 | ARGIA | Axier Lopez
Herritarren babesa jaso dute Loiolako Herri Harresian parte hartzeagatik epaitutako lagunek

Eleak mugimenduak eta Libre dinamikak deituta, ostegunean Donostian epaitzen hasi diren bi lagunei babesa adierazi diete hainbat herritarrek auzitegiaren atarian.


2017-01-18 | Topatu.eus
Loiolako Herri Harresian atxilotutako bi lagun epaituko dituzte urtarrilaren 26an

Fiskalak zortzi hilabeteko espetxe zigorra eskatu du bi auzipetuentzat, desobedientzia eta erresistentzia leporatuta. Akusazio partikularrak, ordea, autoritatearen aurkako atentatua eta desobedientzia leporatzen dizkie.


2014-10-31 | ARGIA
Loiolako AskeGunean atxilotutako bost gazteak aske

Irailaren 21ean atxilotu zituen Ertzaintzak, 28 euskal gazteren aurkako epaiketara agertu ez eta Auzitegi Nazionalak beren aurka eman zuen atxilotze agindua betez. Angela Murillo epaileak adierazi du ez dutela kartzelan jarraitu beharko epaiketa amaitu arte. Jazint Ramirez, Irati Tobar, Imanol Salinas, Igarki Robles eta Xabier Arina dira gazteak.


Loiolako AskeGunea
Inori obeditu gabe, garatuz doa desobedientzia

400 bat pertsonako herri harresi koloretsuak babestu berri ditu bost gazte Loiolako basilikaren aurrean. Espainiako Auzitegi Nazionalak hauek atxilotzeko agindua emana zuen goiz hartan bertan, orotara 28 gazteren aurka abiatutako epaiketa arbuiatu eta Madrilera joateari uko egin ostean. Prozesu judizialak iraun bitartean kartzelan edukiko dituzte bost gazteak. Herri harresiaren mugimenduak aldagai berriak gehitu ditu ekuazioan, auzipetuekiko identifikazio kolektiboa edo epaiketa bera... [+]


2014-09-30
Loiolako Askegunea protagonisten hitzetan
MULTIMEDIA - erreportajea

Loiolako Askegunea izan zenaren laburpena, herri harresian izan ziren hainbat lagun eta kazetariren hitzekin osatuta.

Egilea: Askegunea


2014-09-24 | Topatu.eus
Loiolako herri harresia
MULTIMEDIA - erreportajea

28 gazte independentisten epaiketari erantzunez, desobedientzia ekintza burutu zuten ehunka pertsonak irailaren 22an Loiolako basilikaren aurrean.


2014-09-24 | Axier Lopez
Loiolako Askegunearen erresistentzia iruditan

Arratseko 7ak aldera Ertzaintza Loiolako Askegunera zetorrela abisatzeko alarma jo zuenetik, hiru ordu beranduago "gaur guk irabazi dugu" oihuen artean amaitu zen asanbladara arte egindako argazkiak.


Azkenak
EGILEA
Eguneraketa berriak daude