29.300 euroko isun eta gastuei aurre egin beharko diete Loiolako harresian atxilotu zituzten bi gazteek

  • Esteban Orbegozo eta Beñat Hach Embarek zigortzea erabaki du Gipuzkoako Lurralde Auzitegiak, ertzain bat zauritu izana leporatuta. Dirua biltzeko hainbat ekimen antolatuko dituzte.

     

Artikulu hau CC BY-SA 3.0 lizentziari esker ekarri dugu.

2017ko abenduaren 18an - 09:48

2014ko irailaren 22an Loiolan egin zen herri harresian parte hartu zuten Esteban Orbegozok eta Beñat Hach Embarekek, beste hainbat gazterekin batera. Ertzaintzak kolpatu eta atxilotu egin zituen bi gazteak, eta erorita belaunean min hartu zuen ertzain bat zauritzea leporatu die Gipuzkoako Lurralde Auzitegiak orain. 29.300 euro ordaindu beharko dituzte bi gazteek isunak eta gastuak kontuan hartuta.

Epaia eta epaiketa bera irmoki salatu dituzte bi gazteek, haien abokatuak eta Eleak-Libre mugimenduak. Abokatuak, hain justu, epaiketan izandako irregulartasunak salatu ditu. Izan ere, Donostiako Zigor Epaitegiak esan arren erantzukizun zibila ezin zela gazteen gain erori, zigorra haiei jarri die Lurralde Auzitegiak. "Horrek baieztatzen du protestan egote soilak berarekin dakarrela egon litezkeen ondorioak norbere gain hartzea; ulertezina eta juridikoki onartezina da", salatu du abokatuak.

"Jaurlaritzaren mendekua"

Eleak-Libre mugimenduak ere gogor salatu du gazteei jarritako zigorra, eta orduko hartan egindako desobedientzia ariketa txalotu du. Zigorra, berriz, Eusko Jaurlaritzaren mendeku gisa ikusi du eskubide zibil eta politikoen aldeko mugimenduak: "Desobedientzia ariketa hauen antolaketa oztopatzeko eta bertako partaideak beldurtzeko sententzia gogor bat behar zuen Jaurlaritzak eta hori lortu arte beren abokatuek ez dute amore eman. Desobedientzia ez-biolentoaren aurkako benetako mendekua izan da".

Gazteei elkartasunez hainbat ekimen egingo dituzte datozen egunetan eta kontu korronte bat ere zabaldu dute elkartasunez: ES65 3035 00068400 60022507(Laboral kutxa).

 

Albiste hau Topatuk argitaratu du eta ARGIAra ekarri dugu CC lizentzia baliatuta.


Kanal honetatik interesatuko zaizu: Herri harresiak
Hamar urte bete dira Ondarroan zubi harresia eraiki zenetik

"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.


2019-04-08 | ARGIA
Espetxetik irten da Ekaitz Ezkerra, Donostiako herri harresiko azken presoa

Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]


2018-10-01 | ARGIA
Seven young Basques illegally sent to prison

They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.


2018-09-26 | ARGIA
Zazpi gazteren atxilotze eta espetxeratzea "legez kontrakoa" izan zela ebatzi du Konstituzionalak

2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]


Eguneraketa berriak daude