Plantoa egin zuten larunbatean Gasteizko Glovoko banatzaileek enpresak ezarritako komisio minimoaren murrizketaren aurrean. Glovo enpresa langileekin batzartu ezean, mobilizazio gehiago iragarri dituzte Arabako "rider-ek".
Gasteizko Glovoko langileek motxilak eskegi zituzten larunbatean, enpresak lan baldintzetan egindako azken aldaketak salatzeko. Iragan uztailean erabaki zuen Glovok «rider-ek» banaketa bakoitzeko jasotzen duten komisio minimoa 2,5 eurotik euro batera murriztea. Neurri horren aurrean eta «lan baldintzen hobekuntza» eskatzeko greba egin zuten Gasteizko Glovoko 20 bat banatzailek. «Irabazki duinak» aldarrikatu dituzte, eskaintzen duten zerbitzuarekiko neurrikoak.
2018an heldu zen enpresa Arabara eta ordutik ugaritu egin da Glovoko langileen presentzia. Langile hauek «autonomo faltsu» bezala egiten dute lan eta euren gain hartu behar dituzte Gizarte-segurantzaren eta BEZaren gastuak. Enpresak hartutako azken neurrien ondorioz nabarmen ikusi dute murriztuta Glovoko banatzaileek soldata. Gainera, enpresa ordainketetan atzeratu izana ere salatu dute.
Glovok greba egin zuten «rider-ak» zigortu ditu. Puntuazio bidez kalifikatzen ditu banaketa enpresaren aplikazioak bere banatzaileak eta grebalarien puntuazioak jaitsi egin ditu, horrek, lan orduen eta diru-sarreren murrizketa eragingo die kaltetutako langileei. Mehatxuek, ordea, ez dituzte Glovoko langileak geldiaraziko eta enpresa beraiekin batzartu ezean greba egun gehiago iragarri dituzte.
Frantziako Estatua eta Alemania izan dira aurka kokatu diren estatu bakarrak. Direktibaren lanketa 2021eko abenduan abiatu zuen Europak, baina trabak eta presioak tarteko, hiru urte baino gehiago behar izan ditu onespenak. Europako Parlamentuak bozketa berrestea falta da.
Multinazionalen Behatoki europarrak –Observatoire des Multinationales, deitura ofizialean– txosten berri batean erakutsi duenez, Uber, Bolt, Deliveroo eta gisako beste banaketa plataforma berri erraldoiak presio egiten ari dira Europar Batasunak aldatu behar duen... [+]
Espainiako lan-ikuskaritzak 78,9 milioiko isuna jarri dio Glovori, 10.000 autonomo faltsu baino gehiagori langile gisa alta ez emateagatik.
Iruñeko Justizia Jauregian hasi da Gizarte Segurantzaren Glovoren kontrako epaiketa, langileak autonomo bezala kotizatzera behartu dituelako. LAB sindikatuak salatu du multinazionalak "erabateko zigorgabetasuna" izaten jarraitzen duela, bere jokabidearen... [+]