Emakumeak borrokan

Gasteizko giza katearen kronika bat eta ideia batzuk

  • Irratiarekin esnatu zara, galdera serioen aurrean Angel Oiarbide animoso, Radio Euskadin. Auzoko taberna hutsik aurkitu duzu igande goizean goiz: “Gaur ez duzu bezero askorik...”. Zerbitzariak erantzun dizu Gasteiz erdialdean badela nahikoa giro eta egun arraroa dela. “Ez da ba izango!”, pentsatu duzu. “Emakumeen lasterketa, Kaldearte kale antzerkia…”, zerrendatu dizkizu. Mihi puntan du beste zerbait. Esaldia zeuk osatu ordez nahiago duzu itxaron, “eta Gure Esku katea”. Ondo! Tabernako termometroa gainditu du.

Iņaki Larraņaga @InakiLarra
2018ko ekainaren 11
Giza katea Gasteizko Andramari Zuriaren plazan. (Arg.: Hala Bedi)

Goizeko 10ak dira eta 200 eta 201 kilometroek huts xamar behar dute oraindik. Etxepeko kilometroak dira, legebiltzar aldamenekoak; gainezka egongo dira ordua ailegatzen denean. Aldiz, Murgia eta Gasteiz arteko kilometroetan hutsuneak zeudela eta abisua emana zuten. 2014an Lizarrustiko mendateko esperientzia ez zen samurra izan, ez bedi errepikatu. Autoan hurbildu zara Murgia bidea kuxkuxeatzera. Eguzki apartaren pean tipi-tapa errepide albotik familiak doaz haien kilometroaren bila. Zapi zuriak buruak estaltzen, haurrak koloretazko txanoekin, bizikletan petoekin antolakuntzakoak… eta Abetxuku sarrerako tabernatik Gorbea magalerako bidea hasi dute txistu eta danbolinaren pausuan berrehun bat lagunek, gazte andana. Ez du itxura txarrik izango kilometro zail horrek. Berriz Angel Oiarbide irratian, Hala Bedin, galdera animosoei serio erantzuten.

10:50. Andra Maria Zuriaren plazan tokia hartutakoak daude. Hiru aulkitan jarri eta solasean emakume helduak, pentsiodunak pankartarekin… baina eskuak lotu gabe daude, norbera bere artaldean. Are diziplina gutxiago aurkitu duzu Kutxi kalean. Koordinazio maila bat eskatzen du kateak: hutsuneak eta jende piloak ikusi eta urduri jartzen dira batzuk, aginduak apal-apal ematen dituzte besteek… noraeza konpartitzen dute gehienek. Lotsa ematen du ezezagunei begietara begiratzeak. Marta eta Gabirel ama-semeak toki bila dabiltza. “Non jarri ez dakigu”.  Biek Gure Esku Dagoren kamiseta daramate, batak gorria besteak urdina eta zapi zuria biek. “Hasi katea osatzeeeen”, entzuten zaio bizikletan gora eta behera dabilen Anderren megafonoko ahotsari.

Garraxi taberna parean Andonik argi du analisia: “Bihar ez da ezer aldatuko, epe luzean dute efektua horrelakoek, politizatu gabeko jendea ere hurbiltzen dutelako”. Zer moduz ote dabiltza Murgia eta Abetxuku artean? Gabeziak non Joana han, eta telefonoaren bestaldetik grinez, “zer moduz? emozionatuta, Iñaki? katea ia eginda daukagu hemen, baina pixkat sosoa da hau, ahizpa eta biok irrintzika gabiltza baina ez da beste inor animatzen!”. Arrazionalak hor egoteko betebeharra sentitzen du, emozionalak gainera herri baten epika sentitzen du hatzetatik gora igotzen. Atzera Andra Maria zurira itzultzean Kutxik forma hartua du: Martak eta Gabirelek tokia aurkitu dute.

“Gure Esku Dago, aurrera!”, leloa oihukatzen ari dira batzuk doinu aski ezagunean. Ez du giroarekin bat egiten, pentsatu duzu. Celedonen balkoitik ikuspegia paregabea da: ondo lotuta daude zapiak, Mateo Morazatik ia legebiltzarreraino. Dantza talde batek Gure Esku Dagoren abestia alaitasunez darama Andra Maria plazaren punta batetik bestera. Olatuarena egiten dabiltza talde batzuk: zergatik jakin ez arren, oso dibertigarria egiten zaie, eta irribarreak kutsatzen ditu. Kalean paseoan dabiltzanei ere aurpegia argitzen zaie ikuskizun horrekin. Aldarrikapena distantziaz ikusten duenarengan oroitzapen polita sortzea da mobilizazio honen bertute handietako bat.

Kamerak legebiltzar atarira begira daude, Herritarron Ituna eskuz esku Aroarengana heldu den arte. Jone Amonarrizek eta Angel Oiarbidek, biek eman diote amaiera ekitaldiari telebista aurreko agerraldiarekin. Bitartean, antolakuntzakoek katebegiei: “Ibilbideko kilometroak bete ditugu. Zorionak!”, txalo beroa sortu dute, harrotasuna, poza eta konplizitatea. Hasierako lotsak eta errezeloak apaldu dira, eta piztu da sentimendu kolektiboaren txinparta.”Txoria txori” abestiaren letrak eta doinuak indarrez datoz Andra Maria plaza goitik behera. Eguzkiak goian segitzen du, eta kosta bazaio ere, negu luzea amaitze bidean dela dirudi.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Gure Esku Dago

Gure Esku Dago kanaletik interesatuko zaizu...
2019-04-07 | Ahoztar Zelaieta
Guk kalderero eguna, ijitoek PNVero eguna

Kalderero eguna zela eta, lagun ijito bati proposatu nion PNVero eguna ospatu behar zutela. Euskal Herriko inauterietan Europa ekialdeko ijito pertza-konpontzaileak eta familiak irudikatzeko ohituren eta hartzarena egiten duen pertsonaiaren berri eman ondoren, bere harridura azaldu zidan. Herri batzuetan Hungrino bezala ezagutzen dira.

XV. mendean ongi etorriak izan ziren ijitoak, baina XVI. mendetik aurrera beraien aurkako jazarpen herritarra eta instituzionala hasi zen. Salbuespenak ematen... [+]


Erreferendum bidez erabakitzeko herri ekinaldi bat bultzatuko du GEDek

Fase berri bat hasi du herri mugimenduak, eta bertan bazkideak izango dira oinarri. Parte hartzea sustatzeko, 'Plaza' plataforma digitala jarri dute abian Gure Esku Dago-ren webgunean.


2019-03-13 | Uriola.eus
Angel Oiarbidek eta Zelai Nikolasek Gure Esku Dagoren bozeramaile izateari utziko diote

Angel Oiarbidek eta Zelai Nikolasek Gure Esku Dagoren bozeramaile izateari utziko diote, ia sei urte eta gero. Dinamikaren Zuzendaritza Kontseiluko kide izango dira aurrerantzean. Martxoaren 20an, bi bozeramaileek “azken solasaldia” eskainiko dute Bilboko Kafe Antzokian.


2019-02-18 | ARGIA
Milaka herritarrek elkartasuna adierazi diete Donostian auzipetu katalanei

Kataluniako plazatik atera ziren igande eguerdian “Konponbidea. Demokracia. Llibertat” goiburupean eta Boulebarderaino egindako ibilbidea horiz bete zuten. Gure Esku Dagok antolatu zuen manifestazioa.  


2019-02-08 | ARGIA
Gure Esku Dagok mobilizazioak antolatu ditu, Madrilen epaituko dituzten independentista katalanen alde "kaleak horiz janzteko"

Erabakitze eskubidearen aldeko dinamikak manifestazioa egingo du Donostian, otsailaren 17an, eguerdiko 12:00etan.


Dagoeneko 220.000 herritarrek erabaki dute GEDko kontsultetan

Donostian, Irunen eta Enkarterrietan atzo erabaki zen euskal estatu burujabe eta independente batean bizitzea, Gure Esku Dago dinamikak antolatutako herri galdeketetan. Orotara, 28.704 lagunek erabaki dute. Emakumeak izan ziren lehenak bozkatzen bost herrietako hautesleku guztietan.  


2018-10-31 | Iņigo Igartua
Quim Torra Kataluniako presidentea Donostiako Kursaalen izango da azaroaren 14an

Gure Esku Dago plataformak antolatu du ekitaldia, azaroaren 18an Donostian egingo den eta 150.000 herritar inguruk iritzia emateko aukera izango duten herri galdeketaren aurrekari gisa.


Gure Esku Dagok azaroaren 18ko Donostiako galdeketaren abestia aurkeztu du

Donostiako Gure Esku Dagok hiriko hamaika musikari eta artista bildu ditu galdeketa sustatzeko egin duten kantuan. Azaroaren 18an izango da galdeketa eta galdera honi erantzun beharko diote herritarrek: "Nahi al duzu euskal herritarrok gure etorkizun politikoa geure kabuz eta aske erabakitzea?".


2018-09-27 | ARGIA
Puigdemontek bideoz hartuko du parte Gure Esku Dagok larunbaterako antolatu duen ekitaldian

“Espainiako estatuaren errepresioa salatuz, urriaren 1aren izaera demokratiko, baketsu eta eredugarria” gogoratuko dute irailaren 29an Gernikan. Gure Esku Dagoko bozeramaile Angel Oiarbidek azaldutakoaren arabera, hainbat ordezkari politiko eta kulturalek hartuko dute parte ekitaldian, tartean, bideo bidez, Carles Puigdemontek.


Gure Esku Dagok ezagutzera eman du donostiarrek erantzun beharreko galdera

“Nahi al duzu euskal herritarrok gure etorkizun politikoa geure kabuz eta aske erabakitzea?” izango da azaroaren 18an erantzun beharreko galdera.


Azkenak
EGILEA
Eguneraketa berriak daude