Aurten ere, "zailtasunak zailtasun", Herri Unibertsitate nazionala izango dela baieztatu du ikasle mugimenduak. Bi egunetarako egitaraua aurkeztu dute jada, hitzaldi, mahai-inguru zein kultur jarduerekin. Gonbidatuen artean izango dira, besteak beste, Ekida kultur ekimen sozialista, Itaia, Herrialde Katalanetako SEPC ikasle sindikatua zein Arran gazte antolakundea, Miren Etxezarreta ekonomialaria eta Juan Iñigo Carrera pentsalari argentinarra.
Euskal Herriko Unibertsitatearen (UPV/EHU) Gasteizko (Araba) campusean egingo dute 2021eko Herri Unibertsitate nazionala, martxoaren 16tik 17ra bitartean. Ikasle mugimenduak azaldu duenez, "oztopo eta zailtasunak ugariak izan dira" oraingoan, baina hala ere, urteroko ekimenari helduko diote ehunka ikaslek. Antolatzaileen esanetan, "jakintzaren hazia ereitea eta ezagutza hedatzea" izanen da egitasmoaren xedea.
Deialdia zabaldu eta egun gutxira argitaratu du Herri Unibertsitateak egitarau osoa. Eragile ugarik hartuko dute parte; tartean, sortu berri den Ekida kultur ekimen sozialista aurkeztuko dute, Itaiak "ekarpen politiko bat" egingo dio emakumearen auziari, eta mahai-ingurua egingo dute Herrialde Katalanetako SEPC ikasle sindikatuak eta Ikasle Abertzaleakek, "ikasle mugimenduaren eta bere erronken" inguruan jarduteko. Gazte Koordinadora Sozialistak, Arranek, Castellak eta Jaleok, berriz, gazte antolakundeen nazioarteko mahai-ingurua osatuko dute.
Antolakundeek ez ezik, hainbat norbanakok ere emango dituzte hitzaldiak aurtengo Herri Unibertsitatean; hala nola, Miren Etxezarreta ekonomialariak "egungo kapitalismoaren joerez" hitz egingo du; Juan Iñigo Carrera pentsalari marxista argentinarrak "kapital harremana eta langile klasea subjektu iraultzaile gisa" aztertuko ditu; eta Carmen Parejo kazetaria Myanmarreko estatu-kolpearen inguruan arituko da.
Asteazkenean izan da aurtengo Herri Unibertsitate nazionalaren aurreneko eguna, Leioako campusean. Ostegunerako ere prestatu dituzte hitzaldi, mahai-inguru eta aisialdirako jarduerak.
Otsailaren 16an eta 17an izango dira aurtengo jardunaldiak, Leioako campusean. Egitaraua aurkeztu dute jada, hitzaldi, mahai-inguru, mobilizazio eta aisialdi jarduerekin. Roberto Fineschi filosofoa, Ani Perez pedagogoa nahiz Ekida arte ekimen sozialista izango dira aurten,... [+]
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitatea antolatuko dute otsailaren 17, 18 eta 19 bitartean Gasteizko unibertsitateko ikasleek, aktualitatearen hausnarketa kritikoa burutu eta eztabaidak irekitzeko helburuarekin.
Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.