Emakumeak borrokan

Gasteizko Herri Unibertsitateko itxialdia debekatu du EHU-k

  • Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.

Hala Bedi @halabedi
2019ko otsailaren 15a

Gasteizko Herri Unibertsitateak jasan duen debekuaren berri eman dute kanpuseko eragile ezberdinek. Hainbat urte igaro dira Gasteizko unibertsitatean lehen Herri Unibertsitatea burutu zutenetik, unibertsitate mailako espresio desberdinak batu eta hezkuntza eredu berri baten aldeko eztabaidak, hausnarketak eta praktikak eman ahal izateko.

Ordutik, aurrerapausoak eman dituzte, proiektuaren baitan garapen handia izan dutelako eta jakintza arlo bakoitzean talde kritikoak sortu dituztelako.

Aurtengoan, ordea, Gasteizko Herri Unibertsitateak eraso bat jasan duela salatu dute. “Gasteizko Errektoreordetzak eta Dekanotza taldeak ikasleriaren nahia eta hitza oztopatze aldera, Gasteizko Herri Unibertsitateari eraso egin dio”. Zehazki, Herri Unibertsitatean zehar garatu nahi ziren itxialdiak debekatu dituzte.

“Itxialdiak, Herri Uniaren parte dira, honen baitan funtzio ezinbestekoa betetzen dutelako. Ezinbestekotzat jotzen dugu ikasleriaren arteko aliantzak sortu eta gure arteko harremanetan eta elkarlaguntzan sakontzeko. Horrela, Herri Unibertsitateak arbuiatzen duen harremantze ereduaren aurrean, itxialdiak guk sinisten dugun harremantze eredu baten aldeko harriak finkatzen laguntzen digu, elkartasunean oinarritutako harremanak hain justu. Itxialdiaren bidez, hiru egun osoko egitasmo bat osatu dugu eta gauean beharrezkoa zaigun tarte bat da”, azaldu dute.

Sinadura bilketa erasoari erantzuteko

Debekuaren aurrean, aurreko astean Gasteizko Kanpusean sinadura bilketari ekin zioten, 1.700 ikasle eta irakasleren babesa jasoz. “Prozesu horretan argi geratu zen Errektoreordetzak eta Dekanotza taldeak jarritako debeku eta oztopoen aurrean ikasleriak benetan Herri Uniaren aldeko hautua egin duela. Gauzak horrela, azpimarratu beharra daukagu ikasleriak garatu zein defendatu duen gaineko erabakiak hartzeko eginkizuna ikasleriak berak duela”.

Errektoreordetzak, ordea, debekua mantentzea erabaki du, “ikasleriaren hitza eta Herri Uniak duen indarra albo batera utziz”. Horren aurrean, astelehenerako deitu duten mobilizazioan parte hartzera deitu diote unibertsitateko kide orori. Herri Unibertsitatearen kontrako erasorik ez dutela onartuko aldarrikatzeko eta oztopo guztien gainetik unibertsitate eredu berri baten alde lanean jarraituko dutela aldarrikatzeko manifestazioa astelehenean izango da, 12:45ean.

Albiste hau Hala Bedik argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Herri Unibertsitatea  |  Gasteiz  |  EHU  |  Ikasle mugimendua

Herri Unibertsitatea kanaletik interesatuko zaizu...
2019-02-12 | ARGIA
Herri Unibertsitate nazionala egingo dute Leioan otsailaren 26 eta 27an

EHUko Leioako Campusean egingo dute aurtengo Euskal Herriko Unibertsitate nazionala hilaren 27 eta 28an. Hilaren 19, 20 eta 21ean, halaber, Herri Unibertsitatearen ekimenak egingo dira Bilbon, Leioan, Gasteizen, Donostiako Ibaetan eta NUPen. Ondorengo lerroetan dago Herri Unibertsitateko ekimenekoek bidalitako agiria eta egitaraua.

 
 

2018-03-19 | Topatu.eus
2018ko Herri Unibertsitate Nazionala
MULTIMEDIA - erreportajea

Ehunka ikasle bildu dira Donostiako Ibaetan antolaturiko Herri Unibertsitatean, eta manifestazioarekin eman diete bukaera bi eguneko jardunaldiei. EHUk sustatzen duen "hezkuntza kapitalistaren" aurrean proiektu berriak sortzeko deia egin dute.


2018-03-15 | ARGIA
Herri Unibertsitatea, ikasgelak hezkuntza eredu berriaren ernamuin

Donostiako Ibaetako Campusean egiten ari dira aurten Euskal Herriko Herri Nunibertsitate Nazionala. Asteazkenean izan ziren lehen hitzaldi eta blokeak eta ostegunean bigarren egunez jardungo dira "gaur egungo hezkuntza sistemarekin amaitu eta guretzat baliagarri izango den hezkuntza eredu berri bat" sortzeko helburua. Eguerdiko 13:30etan manifestazioa egingo dute Ibatetatik Boulevardera.


Abian da Euskal Herriko Herri Unibertsitatea

"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate Nazionala, Donostiako Ibaeta campusean. Guztira, 30 hitzaldi eta tailer baino gehiago, "ezagutza propioa garatzea helburu".


Leioako Herri Unibertsitatea 1.eguna
MULTIMEDIA - erreportajea

Martxoaren 5, 6 eta 7an Herri Unibertsitatea egiten ari dira Leioako campusean. Hainbat hitzaldi, mahainguru eta tailer antolatu dute. Hauxe da lehen egunaren laburpena.


Herri unibertsitate nazionala

Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea helburu duen proiektu hau. 


2018-03-05 | ARGIA
Otxarkoaga, eskolen ghettifikazioa, Ruandako genozidioa... Herri Unibertsitatean

Herri Unibertsitatearen edizio berri bati ekin diote Leioako campuseko ikasleek, herritik herriarentzat sortutako hezkuntza eredua bultzatzea helburu. Hiru egunez, tailer, hitzaldi eta eztabaida aberasgarri ugari antolatu dituzte.


Zer da Herri Unibertsitatea? Nondik sortu zen? Zein da bere filosofia?
MULTIMEDIA - erreportajea

Herri Unibertsitatearen proiektuari errepasoa egin eta egunerokoan izan dituzten hausnarketak plazaratu dituzte ikasle batzuen iritzien bitartez. Martxoaren 14 eta 15ean Donostiako Ibaetan egingo dute aurtengo Herri Unibertsitatea.


Leioako Herri Unibertsitatea barrutik
MULTIMEDIA - erreportajea

Leioako campusean ikasleek antolatutako Herri Unibertsitatea antolatzeko lanak eta ekimenaren nondik norakoak jaso dituzte bideo honetan.


2017-02-27 | Jose Castillo
Teilatuan ikasi genuen gaua

EHUko errektore Nekane Balluerkak adierazi duenez, asteazken gauean San Mamesen Herri Unibertsitatea babesteko asmoz teilatuan eutsi genion 203 ikasleon aurka salaketa aurkeztuko du. Komunikabide gehienek, beste behin ere, arreta eskaini diote hondatutako bi vending makina eta hainbat altzariri, benetan funtsezkoa eta kezkagarria den albistea ezkutatuz: EHUk, asteazken gauean, publikoak diren espazioak formakuntza kritiko eta kolektiborako erabiltzen ari ziren ikasleak kaleratu zituela.


Azkenak
EGILEA
Eguneraketa berriak daude