Pedro Sánchez Espainiako presidentea eta Olaf Scholz Alemaniako kantzilerra Iberiar penintsula eta Alemania lotuko lituzkeen gasbide proiektuaren alde daude. Gaur egungo testuingurua dela eta, Errusiaren gasarekiko dependentzia gutxitzeko bidean ezinbesteko ikusten dute. Frantziako Estatua bidearen aurka dago ordea. Horregatik ari dira bi agintariak Emmanuel Macronen babesaren bila.

Dena dela, Pariseren baimena ez badute lortzen, Europako Batzordeak beste bide bat daukala ziurtatu du Sanchezek. Espainia Italiarekin lotuko duen beste interkonexio energetiko bat egiteko proiektua ere mahai gainean dute.