2003ko abenduaren 24an atxilotu zituzten bi hernaniarrak, sarekada batean. Iragan uztailean baldintzapeko askatasunean geratu ziren, eta astearte honetan geratu dira aske, hogei urteko kartzela zigorra osorik beteta.
Gorka Loran eta Gari Arruarte preso hernaniarrak aske geratu dira astearte honetan, 2020an ezarritako hogei urteko espetxe zigorra osorik beteta, Etxeratek ohar batean jakinarazi duenez. Hirugarren gradua eskuratu zuten iazko apirilean eta urrian. Bi kasuetan fiskalak helegiteak aurkeztu bazituen ere, Espainiako Auzitegi Nazionaleko Zaintza Epaitegi Zentralak atzera bota eta hirugarren graduan mantendu ziren. 2023ko otsailean eta martxoan, kontrol telematikoa ezarri zieten, eta uztailean, berriz, baldintzapeko askatasunean geratu ziren bi hernaniarrak.
Arruartek Almerian bete du zigorraren zatirik handiena, 2020an Soriara lekualdatu zuten arte. Urtebete ondoren Euskal Herrira ekarriko zutela iragarri zuten; Iruñeko kartzelan egon da. 2022an Lakuako Gobernuko Justizia sailak hirugarren gradua onartu zion, Martuteneko espetxeko Tratamendu Batzordeak hala erabakita.
Loran, ordea, Algecirasen izan dute gatibu denbora luzez. 2020an Dueñasera hurbildu eta geroago, Zaballara ekarri arte. Iazko apiriletik hirugarren graduan egon da.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut. Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.