Funts putreek eta higiezinen agentziek lobbya sortu dute
Alokairuen grebaren bezperetan aurkeztu du bere burua Asval elkarteak, Espainiako Estatuko etxejabe txiki eta handien ordezkari gisa azalduz jendartean. Kataluniako Sindicat de Llogateres-ek salatu du honen atzean funts putreak eta higiezinen agentziak daudela, eta beren asmoa gobernuari presioa egitea dela, espekulatzen jarraitzeko.
aurre egingo dieten hedabide independenteak
Martxoaren 27an aurkeztu zuen bere burua alokairuen merkatuaren ordezkari izan asmo duen Asval-ek (Alokatutako Etxebizitzen Jabeen Elkartea). Beren webgunean irakurri daitekeenaren arabera, “alokairuen merkatu eraginkor, orekatu eta arrazoizkoaren alde lan egiteko asmoz sortzen da Asval”, eta jabe txiki zein handiak bildu eta ordezkatuko ditu. Alabaina, Bartzelonako Sindicat de Llogateres-ek (Maizterren Sindikatua) salatu du elkartearen osaketa eta beronen xedeak ez direla egiatan horiek.
“Elkartea jabe txiki zein handiek osatzen dutela diote. Egiatan soilik hiru ‘jabe txiki’ barne biltzen ditu, elkartea legitimatzeko”, seinalatu du Sindicat de Llogateres-ek. Elkartearen sortzaileak nor diren begiratu besterik ez da behar egitasmoa nondik datorren ezagutzeko eta izan ditzakeen asmoak zein norabidetan doazen ondorioztatzeko: Kataluniako La Llave de Oro eta Madrileko Tectum higiezinen agentziek, Ares Management funtsarekin batera, erabaki zuten Asval sortzea; eta behin ideia mahai gainean jarrita, batu egin zitzaizkien Blackstone funts putrearen SOCIMI diren Testa Home –Fidera berna hartzen duena– eta Albirana promotorea.
Espekulatzaile erraldoiak dira Asvalen atzean ezkutatzen direnak, nahiz eta diskurtsiboki jabe handi zein txikiak barne biltzen dituela esan. Diskurtsoak erantzungo lioke sindikatuaren arabera funts putreek eta promotoreek lortu nahi dutenari: etxejabe txikien babesa izatea, beren helburuak lortzera bidean. Asval espekulatzaileen patronala dela garbi du: “Bere helburua izango da Espainiako Gobernuari presioa egitea higiezinen espekulazioa errazten segi dezan”.
Bartzelonako alkate eta Espainiako Gobernuko Industria, Turismo eta Merkataritza ministro izandako Joan Clos i Matheu da Asvalen buru. Ondoz ondo du, zuzendari gisa, Fotocasa higiezinen atariko Beatriz Toribio.
“Higiezinen atariak aktore neutralak ez direla diogunean zeozergatik da. Orain arte ‘espekulatzaileen patronalaren’ papera eurek betetzen zuten era informalean”, azpimarratu du sindikatuak.
Alokairu grebaren ataritan sortutako lobbya
Ez dirudi kasualitatea apirilarekin batera abiatzekoa den alokairu greba masibo baten atarietan ikusi izana argia Asvalek. Elkarteak berak adierazi du elkartea publiko egin aurretik hilabete gehiagoz lan egin nahi zutela, baina koronabirusak eragindako egoera tarteko, beren burua aurkezteko beharrean ikusi direla, etxejabeen alde jarduteko.
Asvalen helburuen artean alokairuen etetea eta prezioen arautzea ekiditea dagoela salatu du Sindicat de Llogateres-ek. Hala ere, elkartearen agerpenarekin ondorio positiboak atera daitezkeela dio: espekulatzaileak beren negozioa galtzeko beldurrez daudela, alegia. “Horregatik behar dute etxejabe txikien konfiantza irabazi. Egiatan nahi dutena beren legitimitatea indartzea da, koiuntura honi probetxua ateratzeko”.
Ildo horretan etxejabe txikiei gogorarazi die funts putreek, higiezinen promotorek, socimi-ek (Higiezinen Merkatuan Inbertitzeko Sozietate Kotizatu Anonimoak), sicav-ek (Kapital Aldakorreko Inbertsio Sozietateak) eta higiezinen atariek ez dituztela babestu nahi, beren helburua higiezinen merkatuan daukaten posizioa indartzea besterik ez dela, bizi dugun krisitik ateratzen garenerako. Ohartarazi dute etxebizitza baten jabearen, hipotekadunaren edo etxejabe txikiaren arazoek zerikusi gehiago dutela maizterren arazoekin, milioidun horien arazoekin baino. “Ez dugu onartuko beren bono milioidunak eta akziodunen mozkinak babesteko herritarren artean gerra piztu dezaten”, adierazi du Sindicat de Llogateres-ek.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]