Fundazio ultrakatoliko batek Gasteizko NClic eta Kimba eskolak bere gain hartu ditu
Arenales Fundazioa da jabe berria, bere eskoletan sexuaren eta maila sozialaren araberako segregazioa egiten duena. Gasteizko NClic eta Kimba zentroek orain arteko eredua mantenduko dutela adierazi dute.
aurre egingo dieten hedabide independenteak
Salesarren eraikinean kokatzen den NClic eskola eta Kimba haur eskolen jabe berria Arenales Fundazioa izango da, SER irratiak ezagutzera eman duenez. Madrilen egoitza duen fundazio hau itunpeko ikastetxe katolikoen sare bat da. Madrilen kudeatzen dituen sei zentroez gain, Galizian, Gaztela-Leonen, Alemanian eta AEBetan ditu beste zazpi ikastetxe.
Orain arte, Gasteizko zentro hauek Koldo Eguren enpresariak kudeatu ditu. Berak sortu zuen NClic fundazioa; Salesarren eraikinean kokatuta, eta 2014tik Eusko Jaurlaritzako itunpeko zentroa. Horrez gain, Kimba haur eskolak martxan jarri zituen, San Martin, Salburua eta Zabalganan.
Negoziazioak udazkenean hasi dira, eta eskolako sortzaileek esan dutenez, "akordio honekin egonkortasuna duen eskola sare batek ematen duen segurtasun ekonomikoa bilatu dugu, proiektuaren jarraikortasuna bermatzeko". Egun, azken zehaztasunak lantzen ari dira, eta bitartean, NClic eskolako 180 familiak abisatu dituzte.
Akordio honekin, ordea, eztabaida piztu da. Izan ere, Gasteizko eskola hauen jabe berria, hau da, Arenales fundazioaren presidente Alfonso Aguilo Opus Dei-koa da, SER irratiak gogoratu duenez. Besteak beste, bere fundazioaren zenbait ikastetxetan sexuaren eta maila sozioekonomikoaren arabera sailkatzen dituzte ikasleak, eta honek dituen onurak goraipatu ditu Aguilok. Hala ere, akordioak dio Gasteizko eskoletan sexuaren araberako segregaziorik ez dela egongo. Hala, egungo hezkuntza metodologia, hiru hizkuntzako proiektua eta kristautasunean oinarritutako baloreak mantenduko direla zehaztu dute.
Ituna bertan behera uzteko eskaera
STEILAS sindikatuak gogor kritikatu du Arenales Fundazioa bezalako erakunde bat, Eusko Jaurlaritzaren laguntzarekin, Gasteizera etortzea. Itunpeko ikastetxea izanik, Hezkuntza Sailaren diru-laguntza jasoko du, eta sindikatuak gogoratu duenez, fundazioaren hezkuntza proiektua "segregazio sozialean" oinarrituta dago. "Hezkuntza ez da negozioa izan behar, ezta doktrinamendu erlijiosorako tresna". Hori dela eta, ikastetxe hauekin ituna bertan behera uzteko eskatu dio Jaurlaritzari.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Auzitegi Gorenak 27 urte eta hiru hilabeteko kartzela-zigorra ezarri dio Jair Bolsonarori, Latinoamerikako ultraeskuindarren erreferenteari, Lularen aurka hauteskundeak galdu ostean, 2022an estatu-kolpe saiakera baten buru izateagatik.
Utahko Unibertsitatean, 3.000 entzuleren aitzinean diskurtsoa zabaltzen ari zela gertatu da hilketa asteazkenean. Donald Trumpen hurbileko aurpegi ezaguna zen Kirk.
Peronismo klasikoak Buenos Aires probintziako hauteskunde legegileetan botoen %47,2 lortu du. Javier Mileiren La Libertad Avanza hautagaitza 13 puntura geratu da (%33,7). Emaitza esanguratsua da bozka emateko eskubidea duten argentinarren %38 Buenos Aires probintzian biltzen... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Japoniako goi-ganberaren erdia berritzeko uztailaren 20an egindako hauteskundeek berretsi eta ondu egin dituzte aurreikuspenak: Alderdi Liberal Demokratikoak eta haren ia betiereko aliatua den Komeito konfesional eskuindarrak galdu egin dute Aholkularien Batzar horretan zuten... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Donostiarra, defenda ezazu zurea leloarekin pankarta bat jarri dute, Jesusen Bihotza duen Espainiako bandera batekin batera.