Fukushimako ur kutsatua itsasora botatzea onartu du Japoniako Gobernuak
Apirilaren 13an Japoniako Gobernuak erabaki du Itsaso Barera isuriko duela 2011n Fukushiman istripua izan zuen zentral nuklearrean pilatutako ur erradiaktiboa. Bi urte iraungo du operazio honek. Egun kutsatuak diren eta itsasora isuriko diren 1,25 milioi tona ur hauek nuklearraren erreaktoreak hozteko erabilitakoa da, baita lurpeko putzuetakoa eta euria ere.
Yoshihide Suga Japoniako lehen ministroak adierazi du "saihetsezina" eta "errealistena" dela neurri hau zentral nuklearra deseraiki ahal izateko. Iragan urte hasieratik ur kutsatua itsasora botatzearen alde egin du Gobernuak baina erabakia hartzea zaildu dute Fukushimako Gobernuak eta bertako arrantzaleen elkarteek egindako aldarriek, haien ekonomia are gehiago kaltetuko dutela espero baitute.
"Ohiko praktika nuklearren industrian"
Japoniako agintariek diote ur erradiaktiboa isurtzeak ez duela arriskurik ekarriko pertsonen osasunean, isuriko den tritio maila osasun mugen barruan dagoelako eta adierazi dute praktika hori ohikoa dela beste herrialdeetako industria nuklearretan.
1,25 milioi tona ur erradiaktibo baino gehiago
Zentral nuklearrak istripua eduki zuenean erreaktoreak hozteko erabili zen ur kutsatua da itsasora isuriko dutena. Baita ere kutsatuta bukatu duten inguruko lurpeko putzuetakoa eta filtratu den euri ura ere. Horiek denak 1,25 milioi tona baino gehiago ur kutsatu dira eta Daiichiko azpiegituretan araztu egiten dituzte, baina tritioa ezin izaten dute bereizi. Orain artean edukiontzi erraldoietan gordea dute ur hau, baina aurreikusten dute hurrengo urteko udazkenerako beteko direla edukiontzi hauek.
Albistea irakurgai beste hedabide hauetan:
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
