ARGIA.eus

2020ko urriaren 28a

Fukushiman kutsatutako milioi bat tona ur itsasora botako du Japoniako Gobernuak

  • Japoniako Gobernuak Fukushima Daiichi zentral nuklearretik milioi bat tona ur kutsatu askatzea erabaki duela jakitera eman dute. 2011n istripua gertatu zenetik kutsatutako ura biltegietan jasotzen aritu dira eta arazo larri bilakatu da.

Axier Lopez @axierL
2020ko urriaren 16a

Hainbat komunikabidek azaldu duenez, kutsatutako ura askatzeko lana, 1.000 tanke baino gehiagotan biltzen ari direna, 2022an hasiko litzateke eta hamarkadak beharko lituzke burutzeko. Kyodo albiste agentziaren arabera, erabaki ofiziala hilaren amaieran jakinarazi dezake gobernuak. Ur kutsatua itsasora botatzeko aukeraz gain, beste aukera batzuk zituzten esku artean: lurruntzea edo beste leku batzuetan biltegi gehiago eraikitzea, adibidez.

Irailera arte, 1,23 milioi tona ur zeuden biltegiratuta, erreaktorean kaltetutako hiru nukleoak ez urtzeko erabilitako urarekin nahastu ondoren kutsatutakoa.

Arrantzaleak eta ekologistak kexu

Herriko arrantzaleek salatu dute erabakia kolpe gogorra izan dela, 2011ko martxoan istripu nuklearra gertatu zenetik, oso kaltetuta zegoen haien lanbidearentzat. Erantzun gisa, Gobernuak esan du Fukushimako produktuak sustatuko dituela eta arrantzaleen kezkei erantzungo diela. Talde ekologistak ere neurriaren aurka agertu dira.

Hego Koreak Fukushima eskualdeko itsaskien inportazioa debekatu zuen istripua gertatu zenean. Haien kezka sarritan azaldu du, ur kutsatua isurtzea itsas ingurumenarentzat "mehatxu larria" dela argudiatuta.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Fukushimako istripua  |  Japonia  |  Itsasoa

Fukushimako istripua kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude