Frontex, mugen kontrolen negozioa
Pasa den astean Frontexeko Administrazio Kontseiluaren bilera-gela izan zen Iruñea. Frontex mugak kontrolatzeko eta zaintzeko Europako agentzia da. Bitxia da pertsona gehienek haren existentziaren berri ez izatea, Europako Batasuneko aurrekontuetako puskarik handiena hartzen baitu. Bada, Baluarten planifikatuko dute nola gastatu ia 850 milioi euroak, Frontexen definitzea gustatzen zaien bezala, "immigrazioaren mehatxutik Europako mugako segurtasuna defendatzeko".
Giza eskubideen gutuna idatzi zuen Europa bera da —non migratzeko eskubidea defendatzen baita, eta baita edozein estatutan asiloa jasotzekoa ere—, immigrazioa segurtasunarekin lotzen duena, mugen kontrolaren inguruko negozio oso bat sortuz, kudeaketa guztiz ilun baten bidez. Europako balioak, deitzen diote. Eta arrazakeria instituzionalizatzeari eta eskubideak urratzeari, zure egoera pertsonalaren arabera, migrazio-politikak deitu zioten, Europak eta bere erakundeek beti izan zutelako argi eskubide horiek norenak diren. Lokatz horietatik guztietatik sortu zen Frontex izeneko lohi ikaragarri bat 2004. urtean, mugak militarizatzeko eta kanpora ateratzeko milioi askoko gastua justifikatuko zuen beso armatua bezala, milaka pertsona hilez.
Baina migrazio-politikek ez dituzte migrazio-fluxuak kudeatzen, ez dituzte migrazioen arrazoi sakonak aztertzen, ezta jatorri-aniztasuna kudeatzen edo planifikatzen ere. Hori omen da egiten dutenaren zati bat, baina, batez ere, benetan direnaren ke-lainoa da: merkatu-politikak, zeinetan Europak erabakitzen baitu lurralde honetan nor eta nola sartuko den, eta zein bizi-baldintzatan. Egia esan, Frontex mugak kontrolatzeari, ixteari eta kanpora ateratzeari buruzko negozio bat baino ez da, behar-beharrezkoa guztiz bidegabea den garapen-eredu europar bat eraikitzeko.
Frontexek negozioa egiten du milaka eta milaka pertsonaren heriotzaren kontura, mugaren alde okerrean jaiotzeagatik bakarrik
Beren bizi-proiektuaren bila alde honetara igarotzea erabakitzen duten pertsonak behartuta daude munduko ordena bidegabe hori desobeditzera eta mugak "legez kanpo" zeharkatzera, ordezkari publikoek eta bihotzik ez duen jendeak esaten duten gisan... Hori egiteko beste modu bat balego bezala, nahiko ankerra ez balitz bezala prekaritateari eta heriotzari iseka egiteko modu bat asmatu behar izatea, norberaren bizitza eraikitzen jarraitu ahal izateko.
Europako herrialdeen historia, espoliatzea (edo beren lurraldetik kanporatzea) erabakitzen duten horien deshumanizazioan oinarritu da. Kolonizazioan eta zapalkuntzan oinarritutako historia, gaur egunera arte era askotara iritsi dena: pertsonak bizitzeko (izateko) eskubide bako ez-izaki bihurtzen dituzten atzerritartasun legeak, polizia-kontrol arrazistak, arrazakeriari lotutako profil kriminala betikotzen dutenak, eskubideak eskuratzeko diskriminazioak, estereotipoak eta aurreiritziak kulturaren parte gisa betikotzea, eta abar.
Bizi garen lurraldean kontakizun fantastiko bat eraiki da, non arrazista izatea txarra den, arrazakeriaren adierazpen batzuk gorroto-delitu gisa tipifika daitezkeen, baina, aldi berean, arrazismo instituzionalari eutsi behar zaion indarrean dagoen legedia betetzeko. Ez dugu ulertzen, eta ez dugu ulertu nahi. Horregatik jarraitzen dugu antolatzen eta kalera ateratzen, Frontex bezalako erakundeen existentzia salatzera, bizitzaren kontura negozioa egiten baitute, eta are okerrago, negozioa egiten dute milaka eta milaka pertsonaren heriotzaren kontura, mugaren alde okerrean jaiotzeagatik bakarrik.
Erakundeek eskumenik eza alde batera uztea nahi dugu, eta eskubide osoko herritar gisa aitortuak izan ez direnen aurka erabilitako indarkeria ugariak ez babestea. Gaur eta beti jarraituko dugu salatzen sistema arrazista eta kolonial hau, eta bere beso armatua, Frontex, egunotan Iruñean bildu dena nekropolitikaren negozioa egiten jarraitzeko.
Karabana Mugak Zabalduz, PIM-MIG, Salhaketa Nafarroa, Ongi Etorri Errefuxiatuak, Etorkinekin Diakite Federazioa, SOS Arrazakeria Nafarroa
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]