Frantziako Legebiltzarrerako hauteskundeentzat ezkerreko frontea osatzekotan dira
Jean-Luc Melenchonen Frantzia Intsumisoa alderdiak akordioa lortu du Europa Ekologia Berdeak alderdi ekologistarekin, Alderdi Komunistarekin eta Alderdi Sozialistarekin. Baturik aurkeztu behar lukete beraz Legebiltzarrerako hauteskundeetan, gehiengoa lortzeko bidea irekiz.
Jean-Luc Melenchonen Frantzia Intsumisoa alderdiak maiatzaren 1ean lortu zuen akordioa Europe Ekologia Berdeak ekologistekin, maiatzaren 3an Alderdi Komunistarekin eta maiatzaren 4an Alderdi Sozialistarekin. Hori horrela, ezkerretik hautagaitza bakarra osatuko dute, Frantziako Legebiltzarrean gehiengoa lortzeko aukerak irekiz.
Alderdi Sozialistarekin zuen desadostasun gehien Melenchonen alderdiak, baina azkenean, "printzipiozko akordioa" adostea lortu dute. Programa komun bati buruz hitz egiteaz gain, bozka barrutien banaketa kontuak adostu dituzte. Elkarrizketak aitzina segitzen du eta Alderdi Sozialistaren Kontseilu Nazionaleko kideek baliozkotu beharko dute hitzarmena.
Frantziako Lehendakaritzarako hauteskundeen lehen itzulian hirugarren izanzen Jean-Luc Melenchon, botoen %21,95 bilduta –eskuin muturreko Marine Le Penetik 0,8 puntutara bakarrik–. Bi itzulien artean ondoko mezua zabaltzen aritu zen: ezkerretik hautagaitza bakarra aurkezteko beharra, Emmanuel Macron edo Marine Le Penen parean, ezkerrak gehiengoa lortzeko Legebiltzarrean.
Ondoko hitzordua: ekainaren 12 eta 19an
Ekainaren 12 eta 19an iraganen dira Frantziako Legebiltzarreko hauteskundeak. Orain arte Emmanuel Macronen gobernuak zuen hor ere gehiengoa, eta xede zituen erreformak aitzina eraman ahal izan ditu azken bost urteetan.
Ezkerreko Fronteak irabaziz gero, Jean-Luc Melenchon izango litzateke Lehen Ministro. Ezkerraren eta eskuinaren arteko hiru kohabitazio izan dira iraganean: François Mitterrand presidente sozialista eta Jacques Chiracen artekoa 1986tik 1989ra; Mitterrand eta Edouard Balladuren artekoa 1993tik 1995era; eta azkenik, Chirac presidente eskuindarra eta Lionel Jospinen artekoa, 1997tik 2002ra. Ezkerrak batasuna adostea lorturik, laugarrena osatzeko aukerak daude.
Ttipi-ttipia nintzenean Le Penek bi boto biltzen zituen ene sorterrian. Hauteskunde oro bi boto, eta bistan da, ehun bat biztanleko –75 bat hautesle– herria izanik, bagenekien zein etxetakoak ziren. Hauteskundeak jin hauteskundeak joan, 2002an ere bi zituen, lehen... [+]
Frantziako lehendakaritzarako bigarren itzulia irabazi du orain arteko presidenteak, botoen %58,6 lorturik, 2017ko bigarren itzuliari alderatuz, ia bi milioi boto galdu arren. Parean zuen eskuin muturreko Marine Le Pen, hauteskundez hauteskunde indartuz doana –duela bost... [+]
Ekainaren 12 eta 19an iraganen dira Frantziako Legebiltzarreko hauteskundeak. Orain arte Emmanuel Macronen Gobernuak zuen hor ere gehiengoa, eta xede zituen erreformak aitzina eraman ahal izan ditu azken bost urteetan. Bere politika neoliberala blokeatzeko asmoz, bozketa horiek... [+]
Frantziako hauteskundeen bigarren itzulian abstentziorako hautua azaldu zuen kazetarien aurrean Lassalle Zuberoa eta Baxenabarreko diputatuak.