Frantziako laborategi batek dio txertoa lortzen badu AEBek izango dutela lehentasuna eta polemika piztu du

  • Txertoaren ikerketarako finantzazio gehien AEBek jarri dutenez, txertoa lortuz gero lehentasuna eurek dutela esan du Frantziako Sanofi laborategiak, eta Frantziako Gobernuaren haserrea piztu dute adierazpenek. Merkatuaren logikan mantendu daiteke bizitzak salbatuko lituzkeen txertoa?


2020ko maiatzaren 14an - 18:30

Sanofi laborategiko zuzendariaren adierazpenak “onartezinak” direla erantzun du Frantziako Gobernuak eta COVID-19aren kontrako txertoak “munduko ondasun publikoa” izan beharko lukeela, txerto hori eskuratzeko herritar guztiek eskubide bera izan beharko luketela.

Sortu duen zalaparta ikusita, ñabardurak egin ditu Sanofi konpainiak eta ziurtatu du denentzat eskuragarri izango litzatekeela txertoa; AEBetan bertan ekoitzitakoa litzatekeela estatubatuarrentzat, eta hortik aurrera ekoizten dutena Europara eta nazioartera bideratuko luketela.

Frantziako Gobernuak dagoeneko iragarri du laborategiko nagusiekin bilduko dela, datorren astean bertan.

Eztabaida mahai gainean: zeinentzat izango da txertoa?

Txertoa lortzen duen laborategiak ezingo du, hasieran behintzat, mundu guztiarentzat adina produzitu. Beraz, nondik hasiko dira? Zeinek du lehentasuna? Epidemiak gogorren jo duen herrialdeak? Lortu duen herrialdeak? Dirua inbertitu duenak?... Horren inguruko gutuna sinatu dute nazioarteko hainbat pertsonaia entzutetsuk (tartean dira lehen ministroak, agintari ohiak eta Nobel sarituak), ohartaraziz erakunde eta gobernu aberatsenen interesak ezin direla jarri bizitzak salbatzeko behar unibertsalaren aurretik, eta merkatuaren logikatik at utzi behar dela txertoa. “Txertoa eta tratamendua ondasun publiko global gisa ulertzea da gizateria osoaren alde egitea; ezin dugu onartu tartean sartzea monopolioak, lehia hutsa edo nazionalismo itsua”, gaineratu dute gutunean.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


Hemen dator Gorillas, kalea hiltzeko makina berria: zuk eskatu eta 15 minutu barru etxean bertan jasoko duzu

Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]


Eguneraketa berriak daude