Koronabirusa tarteko, presoen zigorrak egokitzeko neurriak hartu ditu asteazkenean Frantziako Gobernuak. Alabaina, euskal presoei ez zaizkie neurri horiek aplikatuko. Bake Bideakek diskrimizazio salatu du.
Koronabirusak sortutako egoera tarteko, Frantziako Gobernuak presoentzako neurriak onartu zituen dekretu bidez asteazkenean. Euskal presoen kolektiboa, baina, neurri horietatik kanpo utzi du, terrorismoaren aurkako jurisdikzioetan kondenatuak izateagatik.
Bake Bideak-ek gaitzetsi egin du Frantziako Gobernuaren jarrera, eta adierazi du euskal presoen kolektiboari ere aplikatu beharko zitzaizkiola neurri horiek. “Ez dugu diskriminazio hau onartzen; zuzenbidea pertsona guziei eta egoera guzietan aplikatzera deitzen dugu”, adierazi dute.
Egun, 37 dira Frantziako Estatuko espetxeetan preso dauden euskal presoak, Bake Bideakek zehaztu duenez. Horietatik bost 65 urtetik gorakoak dira, eta gaixotasun larriak dituztenak ere badaude tartean. “Birus honen aitzinean arriskuan jartzen ditu. Preso horiek egoera honetan mantenduz, boterea suarekin jolasten ari da”, azpimarratu dute.
Onartutako azken neurriek Ipar Euskal Herriko ordezkaritzak eta Frantziako Justizia Ministerioak orain bi urte adostutakoarekiko kontraesankorrak direla adierazi dute, eta beharrezkotzat jo dute euskal presoei ezartzen zaizkien salbuespen neurriekin amaitzea. Askatasunerako eskubideak aplikatzea eta gaixorik dauden presoak aske uztea eskatu dute.
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]