Franck Dolosor kazetariak EITB utziko du 22 urte eta gero
Urdin Euskal Herria Irratian jarraituko du lanean. Larunbatero, Radio Euskadi-ko La Galeria saioan jardungo du.
Kazetariak berak eman du berria sare sozialen bidez. 22 urtez EITBn lanean aritu ondoren, Franck Dolosorrek Urdin Euskal Herria Irratian (Ipar Euskal Herriko irrati publikoa) jarraituko du bere bidea. Komunikatzaile lapurtarra Ipar Euskal Herriko berrien irudia izan da, albistegietan eta Iparraldearen orena saioan. Bere azken erreportajea irailaren 13an igorriko da programa horretan.
Asko izan dira Twitter bidez Dolosorri urteetan egindako lana eskertu dioten lankide zein herritarrak. Kazetari bikaina dela nabarmendu dute eta zorte ona opatu diote bide berrian, “faltan” izango dutela onartu duten arren.
Tartean egon dira Hedoi Etxarte —"Serio? Niretzat zu zara Iparraldeko telebista"—, Xabier Euzkitze —"Eskerrik asko eman diguan guztiagatik. Bide berri on, adiskide!"— zein Oihana Daguerre —"Soinu mundura ber itzultzen zara. Pozten naiz zuretzat Franck. Bide on!"—.
Kazetariak, berriz, ikus-entzule guztiei eskerrak eman dizkie: bi hamarkadatan bizi izandako esperientzia “zoragarria” izan dela onartu du.
Orain EITB utziko badu ere, Radio Euskadi irratiko La Galeria saioan hartuko du parte Dolosorrek. Larunbatero, 21:30etan, Begoña Yebrarekin batera arituko da Hego Euskal Herriko katean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.